• EN
  • اشراف أم حاتم
موسوعة الطبخ معجنات طريقة عمل خلية النحل خلية النحل بعجينة العشر دقائق

خلية النحل بعجينة العشر دقائق

بواسطة: طبق نور
تاريخ الطبخة: 16/02/2021

طريقة عمل خلية النحل عجينة العشر دقائق بالصور
http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AE%D9%84%D9%8A%D8%A9-%D8%A7%D9%84%D9%86%D8%AD%D9%84-%D8%B9%D8%AC%D9%8A%D9%86%D8%A9-%D8%A7%D9%84%D8%B9%D8%B4%D8%B1-%D8%AF%D9%82%D8%A7%D8%A6%D9%82-%D8%A8%D8%A7%D9%84%D8%B5%D9%88%D8%B1.jpg

خلية النحل عملتها عند ستي الله يخليلنا اياها ويطول بعمرها ...طعمها ولا اروع اكيد بأسهل عجينة بالعالم عجينة العشر دقائق

راح اكتب كيف عملتها تحت

للعجينة :

اول شي بتحطي كوبين طحين
3ملاعق كبيرة سكر
٢ م. ك خميرة فورية
كوبين ماء دافئ مائل للسخونة شوي

بخلطهم سوى منيح بملعقة الخشب او السيليكون لحتى تذوب المكونات تماما او بتقدري تخلطيهم بالبليندار عادي ع الجهتين بسير

بس تخلطهم بتغطيهم ١٠ د وبعد العشر دقائق راح تشوفي انو زاد حجمها يعني خمرت

برجع بضيف عليها ٣ كاسات طحين وم. ص ملح ونص كوب زيت (بخلط نباتي مع زيت زيتون)

وبعجنهم بملعقة الخشب بعدين بايدي اسهلي ازا لساتها بتلزق حطيلها طحين عادي

انا بالزبط حسب الكوب القياسي وحسب نوعية الطحين اللي عندي ابدا ما بتحتاج طحين زيادة وبدهنها اخر شي بشوية زيت وهيك بتكون امورها تمام

وبس تخلصي عجن مباشرة بتبلشي فيها


قطعتها قطع صغيرة
وفردت كل قطعه وحشيتها جبنه مبشورة شدر وقشقوان
وصفيتهم جنب بعض
وع الفرن ع اعلى حرارة الشبك االاول من تحت عشان ما تنحرق وتستوي بنفس الوقت حسب نوعية كل فرن
تقريبا ٢٠دقيقة او ٢٥دقيقة
وقبل ما احمرها من فوق دهنتها بصفار بيضة وحطيت رشة قزحة وشويتها

طبعا الجبنة اللي طالعه بالصورة لانو بكون حاشيتها كتير فطلعت من العجينة

وصحتين وهنا ♥️

http://photos.encyclopediacooking.com/image/recipes_pictures%D8%B7%D8%B1%D9%8A%D9%82%D8%A9-%D8%B9%D9%85%D9%84-%D8%AE%D9%84%D9%8A%D8%A9-%D8%A7%D9%84%D9%86%D8%AD%D9%84-%D8%B9%D8%AC%D9%8A%D9%86%D8%A9-%D8%A7%D9%84%D8%B9%D8%B4%D8%B1-%D8%AF%D9%82%D8%A7%D8%A6%D9%82-%D8%A8%D8%A7%D9%84%D8%B5%D9%88%D8%B12.jpg


التقييم
شاركي معنا