![](http://www.encyclopediacooking.com/arabic/style/Default/assesst/img/in.png)
حنيني مطور بطريقة هند الفوزان
بواسطة: هند الفوزان
تاريخ الوصفة: 01/12/2021
طريقة عمل حنيني مطور بالصور من مطبخ هند الفوزان
hanini saudi arabia dessert recipe
وصفة حنيني مطور بطريقتي حطيته في قوالب التارت
والحنيني هو أكلة شعبيه شتويه قصيميه سهله و لذيذه
مكونات و مقادير الحنيني بطريقة هند الفوزان :
مقادير عجينة قوالب التارت :
كوب وربع دقيق.
اصبع زبده لين.
ملعقتين كبيرة سكر باودر.
٥حبات كيري.
رشة هيل.
مقادير الحنيني :
نصف كوب تمر بدون نوى.
خبزتين خبز أسمر منفوخ.
ربع كوب حليب مغلي
رشة هيل رشة زعفران رشة قرفة.
زبدة مقشودة طريقتها ( ربع اصبع زبدة على نار هادية لما تتشقر )
مقادير الصوص :
طحينة
دبس تمر
طريقة اعداد وتحضير وعمل الحنيني بطريقة هند الفوزان :
نسوي اول شي قوالب التارت
تعجن مقادير عجينة التارت جيداً باليد او بالعجانة او محضرة الطعام
وتُشكل في القوالب عن طريق العصى المخصصة، أو الهاون أو حتى باليد ..
نخبز قوالب التارت بالفرن من تحت على حرارة ١٩٠ لما تتشقر الأطراف.
ممكن تستخدمون عجينة التارت الجاهزة للي مستعجلين
الان نسوي الحنيني
وهو الحنيني المستعجّل لأن الطريقة مختلفة عن طريقة الحنيني الأصلي
نخلط خلط متقطع في محضرة الطعام التمر والخبز
ونضيف عليها بالتناوب الحليب المغلي مع رشة هيل والزعفران والقرفة
واخر شي اضيف عليها الزبدة المقشودة
وبعد ما فرمناه وخلطناه نرفعه من محضرة الطعام
ونقلبه على النار الهاديه 10 دقايق لما يتفكك شوي
ملاحظة :
(مقادير الحنيني تقدرون تتحكمون فيها بحسب حاجتكم وذوقكم)
لتحضير الصوص :
نخلط الطحينة ودبس تمر
الان نعمل الحنيني المطور
اولا نحشي قالب التارت بالصوص
ثم نشكّل الحنيني بملعقة الايسكريم الصغيرة ونضعه بالقالب
واخيرا نزينه بالصوص
صحّة وهنا🤍
وبالعافيه 💙