كرات الحنيني
بواسطة: عبير العميرة
تاريخ الوصفة: 01/12/2021
طريقة عمل كرات الحنيني من مطبخ عبير العميرة
وصفة اكلة الحنيني بطريقتي اللذيذه 😋 تعلمتها من ماما الله يجزاها عني كل خير ♥️سهل و لذيذ
مكونات و مقادير وطريقة اعداد وتحضير وعمل الحنيني :
نخلط كوبين دقيق ( أسمر ) ، مع ربع ملعقه صغيره ملح ،وربع ملعقه صغيره سكر، وملعقة كبيره حليب ( بودره ) ، وملعقه صغيره خميره
ونعجنها بالماء ممكن نحتاج كوب أو أكثر شوي أهم شيء تصير عندك عجينه متماسكه ( مو قاسيه ولا لينه وسط )
ونخليها تتخمر أقل شيء ربع ساعه
وبعدين نفردها على حسب حجم الصينيه
و يكون الارتفاع 1 سم
وندخلها فرن مسبق التسخين على درجة حراره 450 فهرنهايت من فوق وتحت مع بعض .
واللي مايشتغل عندها من تحت وفوق تكتفي باللي تحت لين تستوي وبعدين تحمرها من فوق . .
بعدين نجيب تقريبا ً
( كوب تمر منزوع النوى و نص اصبع زبده مذوّبه )
ونبدأ نفرم التمر بالفرامه مع الخبز لين تتنتهي الكميه مع إضافة الزبده
(اللي ماعنده فرامه مو شرط اي شي ينفع مثل : قطاعة البصل اليدويه)
بعدين نحطه في قدر ونسخنه على النار .. .
وعند التقديم نحط ع الوجه ذوبه أو زبده ذايبه مع رشة فلفل أسود مطحون (حسب الرغبه)
يا إني أعشق الحنيني وأدوخ عليه مع القهوه أو مع الفطور + الحليب الساخن ياسلام 😋👌🏻 .
اللي تحب تنوع وتطور في التقديم ممكن نشكل الحنيني بغد خلط الزبدة والفلفل معها على شكل كرات كبيرة في اطباق صغيرة او نكورها كرات صغيرة
وبالهناء والعافية على قلوبكم
وبالعافيه 💙
