محلى عصيدة التمر
بواسطة: أم رزان
تاريخ الوصفة: 12/12/2021
طريقة عمل محلى عصيدة التمر بالصور من مطبخ أم رزان
وصفة اكلة عصيدة التمر الحضرمية الشعبية سهلة و لذيذه ويسمى في نجد المحلى
مقادير ومكونات وطريقة عمل وتحضير محلى عصيدة التمر :
نضع كوبين و نصف ماء مغلي + ٢٠ حبه تمر مكنوز منزوع النوى
ونعجنهم مع بعض بالملعقة
و نحطهم ع النار
و نستمر بالعجن لحد ما ينهرس التمر و يطلع حلاه
نصفيه و ممكن تخلين التمر لو حابه الحلا يكون زياده و طعم التمر واضح
نضيف لماء التمر
ملعقة صغيرة بزار + ملعقة صغيرة كركم + ملح اذا البر مو مملوح + ربع كوب سمن
و ايضا نضيف لهم كوبين مرق لحم مُحضر مُسبقا .. << يعطي طعم جميل و هذا سر من أسرار الوالده الله يحفظها في العصيده 🤤 ..
نخلط ( ماء التمر + البهارات + مرق اللحم + السمن )
و اذا بدا يغلي نبدا نضيف دقيق البر تقريبا ٤ أكواب
و نعصد بسرعه و بقوه و باستمرار عشان ما تتكتل معاگم
و نستمر بالعصد و اذا حسيتي انها قاسيه مو مشكله زيدي ماء مغلي أو مرقة لحم و آستمري بالعصد لحد ما تحصلين ع قوام لين متماسك و ناعم 🤤
و مباشره حطي عصيدة التمر بصحن التقديم
و زينيها بالتمر و السمن و العسل و رشة من الفلفل الاسود
و علينا و عليكم بألف عآفية
