جريش باللبن الزبادي

طريقة عمل الجريش باللبن الزبادي بالصور


جريش خيالي طعم ولا ألذ من اليوم ورايح أعتمديه

صدق من اليوم ورايح أعتمدي هالجريش بكل ثقه ولا تدورين غيره ولا تشرين جاهز لأن جداَ طعمه مميز وخيالي

راح أخلي الصور تشرح كل شئ للمقادير والطريقة

ذي مقادير الجريش



أفرمي بصله وحطيها بقدر مع شوية زيت وقطعه صغيره زبده
لما تذبل ويتغير لونها

حطي شوية كمون و2مكعب ماجي

وحركيه شويه عالنار لين ماتحسين راحت زفرة الماجي

صبي 2كوب ماء مغلي +ملعقه خل أبيض+ وشويه ملح

لاتكثرون الملح لأن الماجي فيه ملح

وخليه عالنار 5 دقايق تطبخ لوحدها بدون ماتحطي حب الجريش
بعد خمس دقايق حركيه وأضيفي الجريش بعد مانقيتيه زين وغسلتيه زين
(وانا أرشح الجريش التركي فاتح شوي أفضل من غيره)




تخلينه لين ماتحسينه قرب يستوي والمويه قربت تنشف

خذي كبشه جريش وحطيها بزبديه

وحطي معها 2ملعتين زبادي
وحركيها زين لين مايسير لونه أبيض مو قطع الزبادي واضحه أنتبهي لا.





ورجعيها للقدر وحركي شوي شوي لين مايندمج الكل مع بعض

هنا صورتها




وأهم شي التحريك المستمر عشان مايلصق الجريش فالقدر

الله يعينك لازم واقفه جنبه
لين ماتحسين صار ثقيل والمويه قليله.
وذوقي ملحه وأنتي الحكم إذا يحتاج زيدي.
*خذي كبشة جريش ثانيه في زبديه
وأضيفي لها 2ملعتين جبنه سايله وحركيها زين زين






ورجعيها للقدر وحركيه ثانيه.




*خذي كبشه جريش وللمره الأخيره
وحطي معها ربع أصبع زبده +2ملعتين قشطه طازجه المراعي

وحركي زين ورجعيها للقدر

وأقعدي حركي القدر لين ما الجريش يتشرب كل السوائل


أخر شي تكونين مجهزه بصل الكشري او الجريش وملحته شوي


وتحطين الجريش بحافظه

وحطي بالنص سمن

وإذا ماعندك حطي زبده

وحطي البصل ورشي شي خفيف لومي (ليمون أسود مطحون)
وتمتعي بألذ جريش بالعالم
هذي الصوره كانت كميه كبيره أرسلتها لأصحاب زوجي ومن جد أنهبلو عليه ضاعو عقبها



وأخر خطوه وأهم من الأكل دعواتكم لي ولوالدي بالفردوس الأعلى من الجنه