طريقة سليق دجاج لذيذ

طريقة سليق دجاج لذيذ

saleeg saudi arabia recipe


وصفة طبخ السليق بالدجاج سهل ولذيذ

مكونات و مقادير وطريقة عمل وتحضير سليق دجاج :

نقطع الدجاجة بالنص
ونفوحها مع بصل وثوم وبهارات صحيحة وملح

ونخليها لين تستوي ونرفعها عن النار
ونرفع البصل والثوم والبهارات الصحيحة عن الجدر
وبنفس الجدر نضيف على ماي الدجاج الرز المصري المغسول
ونحركه ونغطيه ونخليه على نار هادية لين يستوي
بعدين نضيف له المستكة والحليب والزبدة ونحركه

(ملاحظة: مانخليه ينشف واذا نشف نضيف له حليب)
وقبل لا يستوي ب٥ دقايق نضيف له علبة قشطة.

بالنسبة للدجاج نضعه في بايركس

ونتبله بزبدة وبهار مشكل

وندخله الفرن لين يتشقر.

طريقة الكشنه:

في مقلاة نضع السمنه او زبدة

ونضيف لهم كمية من مكعبات بصل ناعم

واول مايذبل البصل

نضيف له رشة دارسين مطحون و رشة لومي اسود مطحون و رشة فلفل اسود ورشة كركم و رشة ملح.

لتقديم السليق :

في صحن نضع السليق

وندهنه بزبدة او سمنة
ونضيف الكشنه
وبعدين نضع الدجاج