تمن الجزر باللحم العراقي

بواسطة: بنبونة

تاريخ الوصفة: 10/03/2023

طريقة عمل تمن الجزر باللحم العراقي بالصور من وصفات مطبخ الشيف العراقية بنبونة

وصفة تحضير تمن جزر باللحم من اطيب انواع التمن / الارز بالمطبخ العراقي 🇮🇶 بطريقه سهله ومميزه ولذيذة
ميزه هذا التمن انه ينطبخ مع قطع لحم او قطع دجاج وبالحالتين النتيجه لذيذه ...
وتمن الجزر من الاكلات اللذيذه في المطبخ العراقي حبات الارز الطويله مختلطه مع مكعبات الجزر واللحم المليئه بالبهارات المتنوعه ( كركم ، سبع بهارات ، فلفل ، كمون ، دارسين /قرفه ، والكثير من النومي بصره الداكن الحامض ، ورشه خفيفه من السكر سر النكهة 😉 ) طبق مطبوخ على مهل ... و نار هادئه لتنتفخ حبات الارز ويذوب اللحم ويستوي الجزر ويطلق حلاوته على الطبق كله

iraqi timman recipe

مكونات و مقادير وطريقة عمل وتحضير تمن الجزر باللحم العراقي :

* جزر نقشره ونغسله ونقطعه مكعبات متوسطه
* لحم خالي من العظم وقليل الدهن نقطعه مكعبات متوسطه بنفس حجم الجزر

* بقدر على النار نحمس بصلتين كبار مقطعه صغيره مع ملعقه كركم حتى يذبل البصل ويبدأ يشقر

* نعلي النار ونحمس اللحم مع البصل ونقلبهم حتى يتغير لونهم من كل الجهات

* نضيف الجزر ونحمسه مع اللحم ونقلبه ونخليه على نار هاديه حتى يطرى ويستوي نص استواء

* ممكن نضيف ربع كوب ماي ونغطي الخليط ونخليه ثلث ساعه حتى يطرى ويستوي ... نحط ملح وفلفل وكركم وكمون ودارسين ( قرفه ) ونومي بصره ... واذا كان الجزر طعم الحلاه الي بيه خفيفه نضيف ملعقه صغيره سكر للخليط

* بقدر ثاني على النار نسلق الرز نصف سلق لمده ٧ دقايق

* نصفيه من ماء السلق ... ونرجع نص مقدار الرز للقدر ونحط فوقه خليط الجزر ... ونضيف عليه باقي الارز المسلوق

* نغطيه جيدا ونحطه على نار هاديه لمده ساعه تقريبا

* عند التقديم يزين بالمكسرات المحمصه
وتقدم التمن بالجزر باللحم العراقي بالعافية

صحتين وعافية ❤️