طبخة فسنجون عراقي

بواسطة: زينب الحسن

تاريخ الوصفة: 11/03/2023

طريقة عمل طبخة فسنجون عراقي بالصور من وصفات مطبخ الشيف العراقية زينب الحسن

وصفة تحضير الفسنجون العراقي من اطيب الاكلات العراقيه القديمة في المطبخ العراقي الشعبي الاصيل اللي قسم يعرفوها وقسم ميعرفوها وكلش طيبة سويتها اليوم على طريقتي والطعم مااحجيلكم ضروري تجربوها

فسنجون تطبخوها تحبوها ومن وين .. واذا بعدكم مطابخيها انصحكم تجربوها لان الطعم يموت من اللذاذة عشقته 🤤❤️‍🔥
اللي يحبون طعم الحموضة وهالسوالف راح يعشقوها مثلي اكلة اليوم من الاكلات الطيبة والقديمة كلش وكانو يسموها بأكلة الملوك وقسم يعرفها وقسم لا كلش طيبة طعمها وريحتها يجيب التايه👌 مشهورة بعض المحافظات ومنها النجف واكيد من محافظة لمحافظة تختلف الطريقة والطبخ بس عامة هي كلشش طيبة 🤤❤️‍🔥.

iraqi chicken visingon recipe a traditional food in iraq

المكونات والمقادير لعمل طبخة فسنجون عراقي :

دجاجة مقطعة ارباع منزوعة الجلد ومتنظفه ومغسولة

كوب دبس رمان

كوب راشي ( طحينه سائله )
كوب جوز مجروش

رشة ملح

راس بصل مثروم ناعم

كوبين مي مغلي

الطريقة لعمل وتحضير طبخة فسنجون عراقي :

بجدر حامي اضيف قليل من زيت الزيتون

واضيف البصل واحمسه

واضيف الدجاج واحمسه لخد مياخذ لون حلو

اضيف عليه كوب من الجوز المبروش

واقلبه مع الدجاج ياخذ حمسه خفيفة

بعدها اضيف كوب من دبس الرمان واتركه يغلي مع الدجاج

واضيف كوبين مي مغلي

واغطي عالجدر واتركه نصف ساعة لحد ميستوي الدجاج

وبعدها اضيف رشة ملح وكوب من الراشي ( الطحينة )

واخلي عشر دقائق

وبعد ما تسبك اطفي النار

حنا نحبه مركز كذا اذا تحبون معاه مرق ممكن زيادة الماء

واقدم الفسنجون العراقي

واكيد نقدم بجانبه تمن ابيض

صحتين وعافية ❤️