تشريب دجاج اصفر عراقي

بواسطة: زينب الحسن

تاريخ الوصفة: 11/03/2023

طريقة عمل تشريب دجاج اصفر عراقي بالصور من وصفات مطبخ الشيف العراقية زينب الحسن

وصفة تحضير تشريب الدجاج الاصفر العراقي اكلة شعبية عراقية بسيطة ولذيذة من المطبخ العراقي الشعبي الاصيل
iraqi chicken tashreeb recipe a traditional food in iraq
المكونات والمقادير والطريقة لعمل وتحضير تشريب دجاج اصفر عراقي :

دجاج ذبح عراقي اقطعه وازيل منه الجلد
واغسله بمي وملح وخل ابيض وانظفه تمام

وبجدر اضيف زيت زيتون قليل واضيف البصل والجزر وفصوص ثوم والبهارات الصحيحة عود دارسين وهيل حب وفلفل اسود حب ورق غار نومي بصرة فقط مثقبة وقرنفل بسمار
واقلبهم واضيف الدجاج واحمسه

واضيف الملح والكركم والكزبرة والزنجبيل والكمون
واحمس الدجاج لحد ميتغير لونه وياخذ لون حلو

كل ما حمسناه اكثر كل ما صار تشريب لونه وطعمه اطيب
بعدها اضيف حمص معلب او مسلوك

واضيف مي مغلي واتركه يستوي ويعيش حياته

التمن بزل مجرد اسلگه بمي مغلي وانكه المي بورق غار عود دارسين هيل حب
واتركه يستوي ٣/٤ استواء واصفي
وبحدر اضيف ملعقة زيت زيتون
واضيف الرز واغطي عليه واتركه يتهدا
واختياري ضفت زعفران منقوع عالوجه ينطي طعم ولون وريحة واقلبه

صحتين وعافية ❤️