اكلة دليمية لحم عراقية

طريقة عمل اكلة دليمية لحم عراقية بالصور من وصفات مطبخ الشيف العراقية بنت البصرة مون هوم

وصفة تحضير اكلة دليمية لحم عراقية سهله ولذيذة من المطبخ العراقي
الدليميه العراقيه الطعم كلش طيب ولا اروع 🤤

وطريقته سهله كلش تتقدم خاصه بالعزايم والجمعات واكثر شي هذه الاكله تشتهر بغرب العراق

طريقه تقديمه تقريبا نفس المنسف الاردني

how to make iraqi lahma dolimiya recipe

المكونات والمقادير لعمل اكلة دليمية لحم عراقية :

مكونات مرق لحم الدليمية :
كيلو لحم غنم او عجل حسب المتوفر
بهارات صحيحه ( نومي بصره ، ورق غار ، قرفه ، قرنفل ، هيل ، فلفل اسود ، يانسون نجمه )
ملعقه ملح
بهار مشكل
كركم

مكونات الحشو :
شعريه
زيت
ماء
رشه ملح
ملعقه سكر
كشمش

للتزيين

لوز محمص

مكونات الرز :
رز
سمن
هيل
ماء
زعفران


طريقة عمل وتحضير اكلة دليمية لحم عراقية :
اولا نطبخ مرقة اللحم
نشوح نحمس البهارات الصحية بقليل من الزيت


نضيف اللحم


ونقلبه حتى يتغير لونه


ونضيف الخضروات بصل وجزر وطماطه وفلفل وسن ثوم او حسب الذوق


و ملعقه ملح وبهار مشكل وكركم

وماء

واتركه يستوي تماما على نار هادئه او بجدر الضغط بعد افضل




ونجهز الحشو اللي فوق الرز حسب ذوقكم
اكثر شي يتقدم ويا شعريه
قليت الشعيرية بشوي زيت وصفت عليها ماء يغطي ورشه ملح وملعقه سكر وكشمش

ولعمل وطبخ الرز :
نطبخه بطريقه الكبس

بس اضيف سمن وهيل
واضيف الرز اقلبه قليل مع الدهن
واضيف ماء
واتركه ينضج وبعدها يتهدر ع نار هادئه

واذا نزل مستوى الماء
اضيف زعفران منقوع على الوجه
واغطيه عشر دقايق

طريقه تقديمه :
اضيف قطع خبر

وعليها ماء اللحم

وبعدها الرز


واضيف الحشو واللحم وقليل من ماء اللحم ونزينها باللوز المحمص
وتقدم الدليمية العراقية بالعافية















صحتين وعافية ❤️