سلطة الباذنجان الاسود بالفول السوداني

بواسطة: الرسالة أحمد

تاريخ الوصفة: 31/08/2023

طريقة عمل سلطة الاسود السودانية بالصور من مطبخ الرسالة أحمد

وصفة طبيخ الأسود السوداني سهلة ولذيذة وخفيفة
سلطة الأسود بالدكوة من سلطات المطبخ السوداني

sudanese eggplant salad al aswad recipe

مكونات ومقادير عمل سلطة الباذنجان الاسود بالفول السوداني :
3/4 كيلو باذنجان أسود مقشر ومقطع قطع صغيرة
حبة وسط بصل مقطع قطع صغيرة
1/4 كوب زيت
ملعقة صغيرة صلصة
ملعقة كبيرة دكوة
حبة طماطم صغيرة لينه شديد ولو قوية نضيف معاها 8ملاعق ماء
رشه بهارات
1/2 ملعقة كبيرة عصير ليمون
لغسل الأسود
ماء
وملح
حبة طماطم
وخيارة
وجزر مسلوق
وجرجير مقطع صغير
وشطة صحيح (اختياري)
طريقة اعداد وتحضير وعمل سلطة الباذنجان الاسود بالفول السوداني السودانية :
نغسل الأسود بالماء والملح جيداً عدة مرات للتخلص من جنا(بذور) الأسود لانها بتخلي الأسود حامض
(ولازم ننتبه لكمية الملح لانه الزيادة بتخلي الأسود مملح اكتر من اللازم)
انا بستخدم في كل غسلة 4ملاعق ملح وغسلته3مرات
ولازم ننتبه لنوع الأسود لانه لو مافيهو بذور ماهنحتاج للموية والملح

نسخن الزيت
ونحمر فيه البصل والأسود لحد ما نتأكد أنهم اتشربو الزيت
[ممكن نضيف كوسة ]

نخفف (نخفض) النار
ونغطي الحلة
ونتركها لمدة ساعة او لحد ما ينضج

نضيف الدكوة والصلصة والطماطم
ونمزجهم

نضيف البهارات والليمون
ولو احتجنا ملح نضيف

نكبه (نسكبه) في صحن التقديم

نضيف الطماطم والخيارة والجزر والجرجير للأسود
ونلخبطهم مع بعض
ونزينهم بشطة

صحة وعافية♥️