اصابع التوست بالخضار
بواسطة: رمايــــــل
تاريخ الوصفة: 13/08/2008
المكونات:-
1.كيس توست بالحليب مقطع الاطراف.
2.بقسم ( طحين الشابوره )
3. 4 ملاعق حليب نيدو نذوبهم بالماي في طاسه ونحط معها شوي ملح+ وشوي فلفل اسود.
الحشوه:-
1.بصل
2.طماط
3.جزر
4.بطاطس
5.بازلا خضرا
6.مكعب ماجي
7.بهارات
8.شبث اتوقع ماعرف شسمه بتشوفونه بالصور
نبدا بسم الله
الطريقة:-
نقطع اطراف التوست
ونخليه على جنب لين نسوي الحشوه..
((الحشوه))
اول شي نقطع البطاطس مكعبات وبعدين نقليها
نحط البطاطس على جنب لين نسوي حشوة البصل ..
اول شي نحمس البصل على النار مع شوي زيت
بعدين لمن شوي يتحمر البصل نبشر فوقه الجزر ونحمسهم ويا بعض
بعدين نحط فوقه الطماط ومكعب ماجي وشوي بهارات
ونخليها على النار لين يذوب الطماام .. بعدين نحط الشبث والبازلا
وبعدين نضيف البطاطس
وبهالشكل نكون انتهينا من الحشوه ونبدا بالحشوو
طبعا نكون مجهزين حليب النيدوو اللي راح نبلل فيه حبة التوست قبل مانحشيها.. الطاسه هذي 4 ملاعق حليب نيدوو وشوي فلفل اسود وشوي ملح ..
نغط حبة التوست في الحليب وبعدين نضغط عليها بيدنا من الصوبين عشان ينزل الحليب منها ..ونبدا نحط الحشوه
ونبدا نلفها شوي شوي عشان ماتنقطع ونحطها في البقسم من كل الجهات
وهذا هو الشكل النهاائي بعد القلي
وبهالهنا والشفا .. اتمنى يعجبكم الطبق
