• EN
  • اشراف أم حاتم

شوربة كويكر بالخضار

بواسطة: دوحة القران
تاريخ الطبخة: 09/09/2008

الشوربه هذي بدون دسم وبدون تكشين
ولا لحم ولا دجاج
يعني للرشاقه بالخضار والشوفان
فقط
وسريعه بالمره يعني بالكثير نص ساعه وجاهزه

ونبدا بالطريقه المصوره
اول شي قطعي الخضار اللي ترغبين في القدر
ومعها البهارات والملح والماجي ومعجون الطماطم

http://www2.0zz0.com/2008/03/10/18/367536728.jpg

صبي عليهم مويه مغليه واطبخيه لمدة ربع ساعه
او لين تستوي الخضار بهالشكل

http://www2.0zz0.com/2008/03/10/18/918678015.jpg

معليش الصوره مو واضحه مره من البخار
المهم بعد كذا رشي عليها الشوفان { الكويكر }
كميه بسيطه وحركي لين توصل للثقل اللي
تبينه فيه احد يحبها ثقيله يكثر شوفان
اما اللي يحبها خفيفه يقلل
انا احبها وسط احط مقدار ثلاث ملاعق كبيره
للكميه هذي وحركيها لين تتجانس
وقصري لها عشر دقايق وبالعافيه
وهذا الشكل النهائي

http://www2.0zz0.com/2008/03/10/18/472811275.jpg

واذا تبونها بلحم او دجاج لابد من التكشين
يعني كشني البصل وبعده اللحم لين يتسبك
ثم الخضار وتبليها وصبي عليها مويه مغليه
وخليها تطبخ
وكملي نفس الطريقه

اتمنى تعجبكم وتقررون تجربونها
عليكم بالف صحه وعافيه


التقييم
شاركي معنا