كبسه لحم بالصور
بواسطة: داعيه للخير
تاريخ الوصفة: 30/08/2009
سحورنا كان كبسه با اللحم والحمد لله اعجبت عائلتي
والحين إليكم المقادير
كأسين أرز ابو كاس منقوعين في مويه - لحم غنم - بصله مفرومه - معجون طماطم - زيت نباتي - ملح وماجي - مويه كادي بهارات صحيحه هيل وقرفه وقرنفل وفلفل اسود
نجي للطريقه
نسخن الزيت
نضيف البصل على الزيت ونقلبه حتى يصير لونه ذهبي
نضيف اللحم على البصل ونقلب
نضيف معجون الطماطم ونقلب
بعد إضافه الطماطم نضيف البهارات الصحيحه والماجي والمويه الحارة ونخلي اللحمه تستوي
بعد إستواء اللحمه نضيف الارز المنقوع والملح وقبل ما ينشف الارز نضيف غطاء مويه كادي
هنا الارز إستوى ونشفت مويته
بعد ما اطفي النار عن الكبسه اقلبها شوي واخليها تقريبا 10 دقائق حتى تتسبك بعدين أغرفها
هنا قدمتها ومعها سلطه حارة وسلطه جزر با الزبادي معليش اعذروني ما قدمتها زين لأن الكل ينتظر حتى يهجمون
وبا الهناء والعافيه
