كبة الرز بالمرق بتاكلون اصابعكم وراها من حلاتها بالصور
بواسطة: سـحــ الورد ــــر
تاريخ الوصفة: 16/06/2010
كبة الرز بالمرق بتاكلون اصابعكم وراها من حلاتها بالصور
المقادير لعمل كبة الرز بالمرق
رز مطحون بمقدار كأسين متوسطين
بيضتين
بهارات
ملح ملعقه متوسطه وانتو شوفو كيف مقدار الملح المناسب
بصل مفروم
طماطم مقطع مكعبات صغار
ملعقتين زيت انا هنا مااضفت إلا ملعقه
طريقة عمل كبة الرز بالمرق :
نخلط المقادير مع بعضها وبتتكون عندنا مثل العجينه اللينه لينه لكن قابله للتشكل
نكورها وبعد مانكورها ندحرجها في كميه من الدقيق حتى تتماسك اكثر
واكيد حنا نكون مجهزين قدر فيه اشوي بصل وطماطم وبهارات وملح وماي يعني حمسه او مرق
ونضيف فيه الكرات لما تنضج
ويمكن اضافه مع المقادير لحم مفروم وخلطه قبل التكوير او في المنتصف براحتكم يعني
وبعدها الف عافيه على قلوبكم صورتها لكم وهي على النار
ولما ستوت كبة الرز بالمرق خلاص هذا شكلها
وترى طعمها يجنن جربوها وبتدعون لي
