حلا التيراميسو المنزلي من يدي و بالخطوات المصورة
بواسطة: همس القلوب
تاريخ الوصفة: 30/06/2010
حبيباتي الغاليات
السلام عليكم
كيفكم ان شاء لله بخير
البارحة اجاني ضيوف المساء و سويت لهم شي بارد مع هالحر اللي حنا فيه
سويت تيراميسو و كان مرة طيب و كلهم طلبوا طريقته
الوصفة كانت كالتالي :
انا عملت مقدار 30 حبة
وانتو تقدروا تعملوا مقدار 10 بس و را احط لكم مقادير 10
اولا في التيراميسو ضروري [color=magenta]جبنة الماسكربون الايطالية و تجي في علب 250 غ تكفي ل 10 اشخاص [/color]
و شكلها كذا
نحتاج كمان لـــــ:
3 حبات بيض و كوب سكر و مقدار الكوب زبادي او روب بدون سكر و خالي الدسم
اما للتزيين نحتاج لــ:
بسكويت الشاي + قهوة فورية + بودرة كاكاو
الحين نجي للطريقة :
أولا نفصل البياض عن الصفار
و نحط في الخلاط صفار البيض + السكر و نضربه زين لين يصير كريمي ولونه لونه تقريبا ابيض
بعدها نضيف له الزبادي و جبنة الماسكربون و نخلط كمان شوي لغاية ما يمتزج الخليط ويصير كذا
في اناء اخر نخلط بياض البيض كمان حتى يصير زي الثلج
بعدها نحط بياض البيض المثلج على الخليط الاول و نخلط بملعقة بس بشويش علشان ما يبوز بياض البيض
بعدما جهزنا خليط التيراميسو وصار حاضر للاستعمال
نجي لطريقة التقديم في العلب الي حطيتها انا او تقدري تقدميه في كاسات او في صينية واحدة
او فضلت يكون لكل واحد علبة احسن
و بديت احط بسكويت الشاي في خليط القهوة
و اصفه في العلبة تقريبا 4 او 5 بسكويت على حسب ذوق كل واحد
و بعدها احط فوقه خليط التراميسو تقريبا ملعقتين و نص على حسب ذوقك اذا تبين اكثر
بعدها اذرذر عليه بودرة الكاكاو من فوق
و يصير شكله كذا في الاخيييييييييير
و هاذي العلبة زينتها اختي الصغيرة و ترجتني اني احطها هي
و بعدها حطيتها في الثلاجة يبرد لمدة لا تقل عن ساعتين
ان شاء لله تكون عجبتكم الوصفة
دعواتكم لي ان الله يحفظ لي زوجي وابني و يرزق اخواتي المتاخرات في الحمل بالذرية الصالحة
