حلى منزلي طبقات لذيذ وسهل بالصور
بواسطة: زهـرة الــياسمـين
تاريخ الوصفة: 16/07/2010
السلام عليكم ورحمة الله وبركاته
هذا الحلى روعة لبعد العشاء
وانا عن نفسي مجربته وايد حلوووووووو
جربوة ودعولي اخوات الغاليات
المقادير وطريقه سو لجل نه طبقات وكل طبقه لها مقادير
المهم اخليكم مع الحلي
الطبقة الاولى:
اول شي نجيب صينية بايركس وسط ونصف فيها طبقتين بسكويت
شاهي مغمس في الحليب
الطبقة الثانية:
نحط بالخلاط ...(قشطة وحدة و 1كيس كريم كراميل و اكيس دريم ويب و2 جالكسي بالكراميل و 1مارس كبير)
ونخلطها زين بالخلاط ونصبها فوق البسكويت وندخله الثلاجة لحد مايتماسك يعني نص ساعة او ساعه الحلي يبي له وحدة طويله بال
الطبقة الثالثة:
نأخذ كيك سويسرول بالفانيليا ونقطعه حلقات يعني كل قطعه ثلاث قطع ونصفه فوق الطبقة الثانية
الطبقة الرابعة:
نحط بقدر على النار (قشطة+ملعقتين كبار تشوكليت او كاكاو+فنجالين سكر) انا حطيت كاكاو ماعندي شوككليت بس شوي لحد مايتجانسوا
ثم نصبه على طبقة الكيك ونوزعه زين على كل الطبقة وندخله الثلاجة مرة ثانية شوي بعد يالله يجيبك ياطوله البال
الحلي يستاهل تطولي بالك
الطبقة الخامسة والاخيرة قلنا الاخير :
نأخذ (اعلبة حليب اي حليب سائل و 2كيس دريم ويب)وبالخلاط شوي ثم نصبه على الطبقة الرابعة وتزينينه باللي تحبين انا بشرت شكولاته جلاكسي فوقه ودخليه الثلاجة وكلما طول صار حلو يعني تقريبا سويه ظهر وكليه بعد العشاء مثلي الحين
وبالعافية على قلوبكم قطعه وحدة تكفيكم طيب
وعلي فكرة شكله بعد يجنن
بسكوت وكرميل وكيك وشوكلاته ودريم ويب يعني مرة خيااااااااااااااال
