قوارب الصامولي المحشيه روعه وسريعه ولذيذه بالصور
بواسطة: فنون نجد
تاريخ الطبخة: 20/07/2010
لمن لا تعرف كيف تضيف وصفة وترغب في نشر طبخاتها بالصور
ترسل الطبخه مع الصور مرفقة على ايميل موسوعة الطبخ
qassimycooking@hotmail.com
وسوف نقوم بكتابة اسمها على الصور ونشرها بالموسوعة
قوارب الصامولي المحشيه روعه وسريعه ولذيذه بالصور
نخش المطبخ على طووووووول ونسوي قوارب الصامولي اممممممم ياااهي طعمه بشكلللللل
نبداء بسم الله وعلى بركة الله
أول شي سويت الحشوه
بصل مقطع جوانح صغيره مع شوي زيت وعلى النار
وبنفس الشكل نقطع جزر وكرونب وفلفل بارد ونضيفه ونقلب
نضيف نقانق مقطعه وحبة طماطم مقطع وبهارات وكمون وفلفل اسود وملح (بإمكانك بدل النقانق تحطي دجاج أو لحم مفروم على كيفك )
ونضيف ملعقتين جبن سائل ونحرك ونطفئ النار
ونسوي خلطة التغطيه
نخلط علبة قشطه وملعقتين جبن سائل وملعقة مايونيز ونحرررك بالمضرب اليدوي
نحضر الصينيه ونفرشها بالقصدير ونقطع الصامولي بالطول ونصفه بالصينيه
نعبي القوارب بالحشوه
ونغطيها بخلطة القشطه ونرش عليها جبن موزاريلا المبشور ونخليها تبحر في الفرن عفوا. ندخلها الفرن تحت نار الشوايه فقط وماتاخذ دقائق قليله
ونخرجها من الفرن معليش حمرت شوي
ياحلاوتها اذا سويتوها وشقرت شوي
وقدمتها المفروض مع كوب شاي يعدل المزاج امممممم لكن ايش اسوي المزاج اليوم على كيفه <<< الا يبي لبن
نصيحه يابناات لاتفوتكم
عوااااااااااااااافي
