• EN
  • اشراف أم حاتم
موسوعة الطبخ عمل الدجاج والطيور وراك فراخ محشيه لذيذه مره بالصور

وراك فراخ محشيه لذيذه مره بالصور

بواسطة: Okht fe ALLAH
تاريخ الطبخة: 02/08/2010

وراك فراخ محشيه لذيذه مره بالصور

بصوا يا حبايبى أنا خليت الوراك كويس إزاى, أنا جبت سكينه رفيعه أوى وجيت على العضمه بتاعه الدبوس وعملت فتح بالطول وقعدت أزود الفتح وأخلى حوالين العضمه لحد ما خليتها خالص وتيجى على العضمه التانيه برضه بنفس الطريقه أعمل خط بالسكين بطول العضمه وأخليها خالص.معلش أنا بقولها بالتفصيل الممل بس هى سهله أوى.
بعدين جبت طبق حطيت فيه ملح وفلفل أسمر و بابريكا وقرنفل وحبهان وكركم وقلبتهم وتبلت الوراك بيهم وش وضهر.
وجبت حله بشرت فيها بصله وشوحتها بشوية زيت مع كل التوابل برضه وبعدين أضفت الرز المنقوع وشوحتهم وزودت مايه للرز و لما غليت وطيت النار علشان يستوى خالص.وحشيت الوراك بالرز ولفيت كل ورك بورق فويل وحطيت حله على النار تغلى ولما غليت حطيت لها التوابل عادى وسقطت الوراك علشان تتسلق. طلعتهم من المايه بعد ما استوا وطلعتهم من الفويل ورصتهم فى صينية الفرن علشان يتحمروا وده شكلهم لما طلعوا

http://www7.0zz0.com/2010/08/01/11/287449686.jpg

http://www7.0zz0.com/2010/08/01/11/352308745.jpg


بصوا أنا زودت الارز شويه علشان ناكله جنب الوراك كان تحفه برضه وهو ده اللى فى الطبق.


http://www7.0zz0.com/2010/08/01/11/193518427.jpg


بصوا شكله يجننن إزاى ولا طعمه مش عايزه أقولكوا حكايييييه جربوها بجد على ضمانتى


التقييم
شاركي معنا