عمل تكة سمك عجيبة.. بالخطوات المصورة
بواسطة: ياسمينة البحرين
تاريخ الوصفة: 10/08/2010
عمل تكة سمك عجيبة.. بالخطوات المصورة
حياكم ^^
اول شي ناخذ شريحة فيله سمج شعري .. زوجي يجيبها لي جاهزة بهالشكل من السوق ^^ ومعاه رأس المكة و الكافيار ( بيض السمك ) لحبوووول .... بس اني الراس خليته للصالونه ...
نقطع الفيليه مربعات متوسطة ....
نبهره بجيمع انواع البهارات الموجودة
( فلفل احمر واسود وتندوري وكركم وليمون اسود وثوم وبهارات بحرينية وكاري وعصير ليمونة وملح )
نقطع الخضار
بصله ونصف فلفلة من كل لون ^^ ... واني ماستخدم الطماط لانه كريه بالقلاي !
نشكة بعصية الذرة ... بشكل مرتب ...
وقبل ما نخلي السمك اول شي نخليه في طحين ابيض وعقب نشكة .... وهذا سر النكهه ولا راح يخترب ولا بيطلع ريحة زفر ولا بيتغير شكله وحتى بالطعم بيصير ما كأنه سمج ....
شوفو شكل السمج وفيه الطحين ... ركزتون ؟؟؟
ووضحت الفكرة ؟
نقليه بدهن غزير بحرارة متوسطة .... وطبعا ما بياخذ وقت لانه السمك بسرعه ينضج ونقلبه بالاتجاه الثاني بسرعه قبل ما يحترق
جداً عجيب ... انصحكم تجربونه ^^
نايسسس جداً
وفيه طريقة ثانية لتكة السمج بالصينية .... سريعه وما تاخذ شي ....
بدل ما نشك بالعصية ... نخليه في صينية وندخله الفرن ونغطيه بالقصدير ... وعقب 20 دقيقة نشيل القصدير ونحمره من اعلى ....
بس هني يبين انه سمج بالطعم لانه ما فيه طحين
وهذي تبهيرة ثانية بزيادة ....البقدونس والتابل و الاسبنت والثوم ....
و ندخلها الفرن مثل الطريقة اللي بالاعلى ....
والخلطة هذي بلاوي سبايسي حامض ....
انصحكم تجربون الطريقة عجيبه حدها ....
ولا تنسونا من الدعاء
