طريقة عمل وتحضير الفول بالطحينة بالصور
بواسطة: حواء ينبع
تاريخ الوصفة: 13/08/2010
طريقة عمل وتحضير الفول بالطحينة بالصور
بسم الله نبدأ
نصب زيت ونولع نارنا
نقطع بصله وعلى وجهها في الطاوه
بعد ما يتحمر البصل زين وينقلب لونه للذهبي تكون الطماطه ماسكه سراها نحركهم مع بعض
نفتح علبه الفول ونكب مويته برا " مانحتاجها"
نهرس الحبات بملعقه بيد نجر باللي يعجبك وان حبيت في الخلاط فعلى مزاجك بس الهرس اطعم
على طول نكب الفولات على الكشنه مع فلفل اسود مطحون وملح فقط فقط فقط فقط لاغير
ونحركهم حتى يتجانسوا مع بعض مضبوط
على نار هاديه غط الطاوه لمده 5 دقايق حتى ينضج
الآن نجهز الطحينه البيضاء
خلاط - طحينه سايله - حبة ثوم زوغننه - رشة ملح - شوية مويه ولا تكثرها علشان تثقل
نرجع لفولاتنا ونفتح الغطاء ونحركه وكم دقيقه طف نارك
هذا الفول ومن بعده الطحينه ومن ثم زيت الزيتونات فالكمون
