كبسة لحم تاكلون أصابعكم وراها بالخطوات المصوره ....
بواسطة: أم الذرابة
تاريخ الوصفة: 07/05/2011
السلام عليكم ورحمة الله وبركاته
ماشاء الله لاقوة الابالله
طريقة غمل كبسة لحم تاكلون أصابعكم وراها بالخطوات المصوره
How to Make a rice meat
صورة كبسة لحم تاكلون أصابعكم وراها بالخطوات
شفت هذي الطريقه وحبيت اني اسويها
سويتها بكيلوين لحم وانا صايمه صار خاطري فيها
سويتها للغداء وشلت منها للفطور انا وزوجي ماشاء الله كبسه روعه و زوجه ولدي عجبتها وتقول انها وااااايد لذيذة
شوفوا طريقتي بتصويري
ننظف اللحم جيدا ونضعه بقدر ونضع ماء ونضع ورق غار وقرفه وهيل وملح
وشويه بهارات إذا بدا يغلي نشيل الزفره منه
نجهزالصلصه وهي نقطع 4حبه بصل ونحركها لحد ماتصفر ونكون فارمين 4 فصوص ثوم ونضعها عليه
أنتبهوا للشرح فقط
نحركه لحد مايصير ذهبي غامق ونضع عليه ملعقتين معجون طماطم ونحركها نجهز بهارات ونضعها على الطماطم وهي م ص كمون +م ص كزبره+1 م ص بهارات الكبسه +2مكعبات ماجي
بعد مايستوي اللحم نصفي المرق ونضع عليه الصلصه
ونكون قايسين الرز ومنقعينه مدة نص ساعه ونحطه على المرق مع قرون فلفل
وهذا شكله بعد ماستوى
ناخذ اللحم وندهنه بصبغة الطعام الصفراء وثوم بودره وفلفل اسود وملح
وندخله الفرن ليحمر
وهلحين نجي للزينه وهي اقطع الكبده والكلاوي
اول شي حمرت البصل بالزيت
وبعدين نضيف الكبده والقلب والكلاوي ونقلبهم مع بعض
وبعدين اخذ من الرز واضعه على الكبده واضع معه صبغه واحركه لحد مايصير لونه بهالشكل
نجي الان للتقديم نغرف الرز ثم نضع عليه اللحم بهذه الطريقه
بالعافيه ودعواتكم الحلوة اللي توسع الصدر
