• EN
  • اشراف أم حاتم
موسوعة الطبخ عمل المكرونة طريقة طبخ صينية المكرونة من مطبخي بالصور

طريقة طبخ صينية المكرونة من مطبخي بالصور

بواسطة: سكون الليل
تاريخ الوصفة: 21/07/2011

طريقة طبخ صينية المكرونة من مطبخي بالصور
http://up.arab-x.com/July11/Orh06713.jpg
صور طبخ صينية المكرونة

بسم الله الرحمن الرحيم...
السلام عليكم ورحمة الله وبركاته...
كيفكم اخباركم ان شاء الله تمام...
اليوم جايبة لكم صينية مكرونة بالبشمل لذيذة وعجبت الكل....
نبداء بالمقادير...
مكرونة النوع اللي تحبيه..انا استخدمت الدوائر سلقتها بمرقة الدجاج احب استخدم المرقة بسلق المكرونة تعطيها نكهة لذيذة....
الحشوة..
بصل مفروم ..دجاجة مسلوقة ومفتته..ذرة مكسيكية اوعادية..جزر..بهارات..ملح..معج ون طماطم..
طريقة الحشوة احمر البصل واحط عليه الدجاج واقلبوا شوي واحط عليه الجزر ومعجون طماطم والبهارات وشوي موية عشان الدجاج مايلصق وحطيت عليهم الملح وحركتهم شوي وبعدها حطيت الذرة وحركتهم شوي...وطفيت النار...
هنا لما حطيت الحشوى على المكرونة..
http://up.arab-x.com/July11/5CO06713.jpg
وهنا اوضح للحشوة..
http://up.arab-x.com/July11/TtW06713.jpg
وذحين نجي لطريقة البشمل..وهذي الطريقة اعتمدها وسرت مااسوي غيرها...اخذت طريقتو من شيف يجي فبرنامج شفته على قناة السعودية نسيت اسموا..مالكم بالطويلة المهم الطريقة..
اجيب صحن واحط فيه الزيت انا احط نص فنجال شاهي..واحط عليه 4 ملاعق دقيق واحركوا الين يتجانس الدقيق مع الزيت.. احطوا على الحليب واحركوا الين يثقل.. الافضل استخدام ملعقة خشب لانها تساعد على تفكك
الدقيق بسرعة..
ملاحظة البشمل انا سويتوا ثقيل لاني احبوا ثقيل اذا تحبوه خفيف حطوا ملعقتين من الدقيق..
وهذي صورته..
الدقيق والزيت..
http://up.arab-x.com/July11/GFO05929.jpg
هنا لما حركتهم مع بعض..
http://up.arab-x.com/July11/Gsb05929.jpg
وهنا بعد ماستوى...
http://up.arab-x.com/July11/q9005929.jpg
وهنا لما حطيت البشمل على المكرونة..
http://up.arab-x.com/July11/A1605929.jpg
وهنا بعد ماستوت...ترى هي مو محروقة بس التصوير مطلع الصورة كذا..
http://up.arab-x.com/July11/Orh06713.jpg
وسويت معاها ايدام خضار مجمدة وطلع لذيذ ماشاء الله..وهذي صورتوا..
http://up.arab-x.com/July11/TnT06858.jpg
وهذا صحني...
http://up.arab-x.com/July11/Q3l06858.jpg
وبكذا خلصت...اتمنى تكون الطبخة عجبتكم..

ملاحظة اخيرة بخصوص عمل البشمل...اذا حسيتوا ان الزيت قليل ممكن تزودوا اهم شي يتجانسو الدقيق و الزيت مع بعض...
اذا عجبتكم لاتنسوني من دعواتكم الحلوة


إرسال الوصفة