طريقة عمل الدحدح حلوى اردنية ولا اطيب

اليوم ان حابة اعطيكم طريقة عمل الدحدح

كتير زاكي
اولا بدنا بكيت سميد
كاستين طحين
كاستين سكر
كاستين زيت ذرة
ملعقة صغيرة كركم او دقة صفراء
ملعقة سمنة بلدية
3 بكيتات بيكنج باودر
3 فانيلا
ملعقتين خميرة
ومي

وللحشوة بدنا شوية جوز هند وقرفة وسكر


اول شي بنحط السميد والطحين والسكر والبيكنج باودر والفانيلا والخميرة مع بعضهم في وعاء كبير
وبعدين بنسخّن زيت الذرة مع السمنة البلدية وبنحط عيهم ملعقة الكركم وبنسخنهم كلهم مع بعض وبعدين بنديرهم فوق الطحين و السميد و0000000
وبنبسبسهم يعني بنفركهم مع بعض حتي يوصل الزيت لكل المكونات ويصيرو كلهم صفر

وبعدين بنسخن شوية ماء وبنخلطه معهم (بتصير العجينة زي عجينة الكيك) طرية يعني
بنجيب الصينية الي بدنا نحطه بيها وبندهنا زيت ذرة
بنحط نص العجينة فيها بعدين بنجي للحشوة

بنخلط بصحن كاسة زغيرة جوز هند و3 ملاعق قرفة ومعلقتين سكر بنخلطهم وبنحطهم فوق الجينة بالصينية
اهم شي ما توصل الحشوة عند اطراف الصينية بلاش ينحرقو


وبعدين بنرجع لبقية العجينة اللي ضلت عندنا وبحط عليها كمان شوية مي لانها بتكون جمدت
وبنحطها بالصينية فوق الحشوة





بنغطي الصينية ساعة الا ربع حتى تتخمر

بعدين بنخبز الصينية بفرن درجة حرارته هابطة لحتى نشوف الاطراف بدت تحمر بعدين بنحطها بالرف التحت للفرن بس دقيقة وحدة وبيحمر الوجه
منخليها تبرد شوي قبل ما نقطعها بلاش تتفتفت
بنزين الصينية بسكر ناعم وبنقطعها بعد ما تبرد
(اهم شي يكون الفرن هابط لانو السميد بسرعة بنحرق)
وصحتين وعافية