طريقة عمل الزرب بالصور
بواسطة: كشمير
تاريخ الوصفة: 11/03/2012
طريقة عمل الزرب بالصور
مساء الخير
اليوم بشرح الطريقة للزرب بالتنكة بالصور
أول شي
بنجيب كمية بسيطه من الحطب أو كيس فحم والأول أفضل طبعاً ..
والعدة المطلوبة بسيطه جداً
تنكة زيت زيتون فاضية
نص كيلو رز
ملح وبهارات
بريق شاي وعدتو
سيخ عشان نغز فيه الجاج
طنجرة لطبخ الرز
والطنجرة اللي لقيناها مناسبة هي تبعة الكيك
عشان مخزوقة من النص :D
بننقع الرز شوي بعد ما نغسلو
واللي أثبت فعاليتو بهالنوع من الطبخ أرز بسمتي
الدجاج رح يكون بهالطريقة مغزوز بالسيخ ومحطوط بوسط الرز
يعني فوقيه عشان لما يبلش الجاج يستوي يسير ينقط على الرز
المنظر مرة ثانية
بنحط التنكة فوق الجاج والرز
وبنحط فوقيها حجر
زي هيك
بنولع النار
ويا ريت لو تكون بعيدة شوي عن التنكة عشان اللهب ما يحرق الجاج
لاحظو كيف
بنحط بريق الشاي على طرف النار
وبنعاير الوقت بحيث يكون من ساعة إلى ساعة وربع
ما يزيد ع هيك
والنار ما تكون كثير قوية وما تكون ملزقة بالتنكة
شوفو منظر النار بعد 40 دقيقة
كثير بسيطه
وبعد هك بنرفع الحجر والتنكة وبنطول الجاج
بنلاحظ انو الجاج مستوي مية بالمية بدون حرق او شعط مجرد تحمير راااااااااااائع
والرز مستوي على الاخر ومش مخبص وما فيه مي ولا في اي خطأ
بالإضافة للطعم الفريد
النكهة لا توصف عنجد
صحتين وعافية
ملاحظة
إذا استخدمنا الفحم العادي
كيس واحد بيكفي لجاجة ونص كيلو رز
وللزيادة كمان
بنحط بصلة وحبة ثوم بكل جاجة
وكمن حبة ثوم على الرز
..
وهذول ع البيعة الصور
إلى اللقاء
