موسوعة الأعشاب موسوعة الفواكه موسوعة الخضار مركز تحميل صور الطبخ
موسوعة الفوائد موسوعة المكسرات موسوعة الخلطات معلومات غذائية
English_cooking_recipes in-english-language

ضعي موقع موسوعة الطبخ في المفضلة


موسوعة الطبخ » بيتزا » بيتزا نفس طعم عجينة بيتزا هت وألذ مع طريقة عمل صلصة البيتزا بالصور


 بيتزا نفس طعم عجينة بيتزا هت وألذ مع طريقة عمل صلصة البيتزا بالصور  تاريخ إضافة الوصفة : 14-7-1433هـ
بواسطة : بحب بلدي أنقر هنا للإنتقال إلى موقع بحب بلدي تقييم الوصفة

بيتزا نفس طعم عجينة بيتزا هت وألذ مع طريقة عمل صلصة البيتزا بالصور
http://i.imgur.com/ApPRa.jpg
http://i.imgur.com/hjh1h.jpg
http://i.imgur.com/207Sd.jpg

النهاردة هااقدملكوا بيتزا ولا المطاعم
بل تنافسها مش في الشكل بس ولكن في الطعم كمان
بجد نفس طعم عجينة بيتزا هت واجمل
أنا عندي الأولاد بيحبوا البيتزا اللي أنا بعملها اكتر من اللي بنشتريها من برة
وانا متأكدة اللي ها اجربها تصدق كلامي
اولاً
العجينه اللي بستخدمها في البيتزا هي عجينة
حبيبة قلبي ام أنمار وسبق ونزلت موضوع عنها
وللأسف الصور اتمسحت
وكتيير طلبوها مني ع الخاص
وكمان طلبوا طريقة الصلصة
النهاردة ان شاء الله بحاول ألبي طلباتكوا
كمان أنا أضفت للعجينه مكون بسيط
وهو دا سر المطاعم
ها اقولكوا عليه ف المكونات
مقادير العجينه
6 كوب دقيق
علبة زبادي
2 كوب حليب سايل دافئ
5 معلقه كبيرة زيت زيتون
1/4 كوب سكر
2 م ك خميرة
م ص بيكنج بودر
رشة ملح
والمكون البسيط اللي أضفته هو
1/4 م ص ثوم بودر او ممكن تحطي 1/2 م ص
صدقوني بتطلع العجينه روووعه نفس المطاعم
الطريقه
نخلط الحليب الدافئ والزيت والزبادي في خلاط الطعام
ثم نضيف له كوب دقيق والخميرة والسكر
ونخلط حوالي ثلاث دقائق
ثم يصب الخليط في وعاء ويضاف لباقي كمية الدقيق بعد ما أضفنا الدقيق البيكنج بودر والملح
يعني مش بحط ب ب والملح في الخلاط
لا بخليه مع الدقيق
ونعجن كويس جداً
لو في واحدة فيكم مضايقه من حاجه تحط همها في العجين
والصراحه أنا بحب اعجنها علي الرخامه. وبطريقة حورية المطبخ
أكيد كلكوا عارفينها
بتدي نتيجه هايله للمعجنات
وأكيد انتوا لاحظتوا دا في كل معجناتي ( ثقه هه)
المهم دي الصور توضح
http://i.imgur.com/oMje1.jpg
ودي صورة قبل وبعد التخمير
العجينة بتختمر بسرعه جداً
http://i.imgur.com/55atB.jpg
وعما العجينه تختمر نكون جهزنا الصلصه
نقطع بصل ونشوحه مع شوية زيت
ثم نشوح معاه فلفل اخضر مقطع
أنا بحب اشوحهم ع النار شويه أحسن لانها بتدي طعم حلو
ثم نضيف الطماطم المقطعه
ونغطي حوالي خمس دقائق لغاية ما كل حاجه تلين
ثم نفرمها في المفرمه ونرجع نحطها ع النار تاني
ونضيف لها صلصة طماطم ومعلقة كاتشب
وملح وفلفل اسود وكسبرة ناشفه وشوية شطه للي يحب
ومعلقه صغيرة سكر عشان يدي توازن وماتكونش حامضه
ونسيبها تتسبك ع النار لغاية ما تنشف من المايه وتكون الصلصه متماسكه ومفيش فيها ولانقطة مايه
والصور توضح
http://i.imgur.com/OkYlX.jpg
http://i.imgur.com/31iny.jpg
http://i.imgur.com/0e5Ak.jpg
http://i.imgur.com/mGXM2.jpg
ملحوظه مهمه جداً جداً

لازم ولابد الصلصة تكون باردة
بمعني ممنوع تحطيها علي العجينه وهي ساخنه
دا بيفسد العجينه ومش هاترتفع وتنفش معاكي
والسر دا أنا لاحظته من نفسي
من خلال خبرتي في المطبخ
يعني أنا بجهز منها كميه وبحطها ف الفريزر
ولما احب اعمل بيتزا بطلعها واخليها تفك او احطها فك الميكرويف
يارب تكون النقطه دي وضحت

نيجي لتشكيل البيتزا
نقطع العجينه كور كبيرة ع حسب حجم الصينيه
وبفردها الاول بالنشابه
وبعدين احطها في صينيه مدهونه
وافردها كويس وأحاول اعمل لها حواف يعني تكون الأطراف مرتفعه شويه عن الوسط
ثم نضع الصلصه
http://i.imgur.com/gNKgF.jpg

أنا قطعت كور صغيرة من العجين وحشيت كل قطعه نقانق
وحطيتها ع الأطراف
وبعد ما حطينا الصوص
ترش عليه جبن موزاريلا
وساعات بعمل خليط من الموزاريلا والشيدر والقشقوان
http://i.imgur.com/5E9kn.jpg
وهنا حبيت أغير في الشكل وعملتها كب بيتزا
http://i.imgur.com/uJEAU.jpg
http://i.imgur.com/c6bCX.jpg
ودي البيتزا التقليديه
http://i.imgur.com/a9QC2.jpg
http://i.imgur.com/6JOob.jpg
وأضفت ع الوجه شرايح رفيعه جداً من
الفلفل الاخضر والبصل
وزيتون حلقات وسوسيس
ونوع تاني حطيت عليه بيبروني
http://i.imgur.com/vHhFc.jpg
ثم تخبز في فرن حامي
واليكم النتيجة النهائيه
اه نسيت اقولكوا بعد ماتستوي ف الفرن بضيف لها جبن موتزاريلا ويادوب بس تسيح من حرارة الفرن بطلعها
http://i.imgur.com/KJYHc.jpg
http://i.imgur.com/OTHes.jpg
http://i.imgur.com/0btv9.jpg

ودي كب بيتزا
كيوت وحلوة للأولاد ممكن ياخدوها معاهم المدرسه
http://i.imgur.com/S1UFz.jpg

http://i.imgur.com/C8bG0.jpg
http://i.imgur.com/E2h6w.jpg
شوفوا الجبنه اذاي بتمط
يمي لذيذة
http://i.imgur.com/ifizc.jpg
وعلي فكرة حلاوة البيتزا انك تاكليها ساخنه
http://i.imgur.com/fOZxp.jpg
http://i.imgur.com/0d9lT.jpg
http://i.imgur.com/UqDYP.jpg
شوفوا تحميرها من الخلف احلي من الجاهز
http://i.imgur.com/xngRd.jpg
شوفوا م الداخل هشه ولذيذة
ع فكرة أنا بحب اكل الأطراف
http://i.imgur.com/jdDnX.jpg
http://i.imgur.com/XaIYb.jpg
وكمان الصلصه حلوة جداً مع المكرونات
http://i.imgur.com/B0Q0z.jpg
وف الختام
أتمني اكون وفقت في طرح هذا الموضوع
لأني تعبت فيه جداً في المطبخ وفي تحميل الصور
عايزة اقول ان أنا عملت البيتزا دي مخصوص عشانكوا
والأولاد عرفوا لما شافوني بصور
قالوا أكيد البيتزا دي ياماما مش لينا
دعواتكوا
في أمان الله
والحمد لله الذي أطعمنا وسقانا وكفانا فكم ممن لا كافي له ولا مأوي

 
 
خيارات الطبخه :  ارسلي الطبخه لصديقتك   طباعة الطبخه   
   
موقع موسوعة الطبخ على تويتر موسوعة الطبخ على الفيس بوك