موسوعة الأعشاب موسوعة الفواكه موسوعة الخضار مركز تحميل صور الطبخ
موسوعة الفوائد موسوعة المكسرات موسوعة الخلطات معلومات غذائية
English_cooking_recipes in-english-language

ضعي موقع موسوعة الطبخ في المفضلة


موسوعة الطبخ » المطبخ العربي » المطبخ المصري » طريقة عمل الكشري المصري علي أصوله بالصور


 طريقة عمل الكشري المصري علي أصوله بالصور  تاريخ إضافة الوصفة : 23-7-1433هـ
بواسطة : بحب بلدي أنقر هنا للإنتقال إلى موقع بحب بلدي تقييم الوصفة

طريقة عمل الكشري المصري علي أصوله بالصور
http://i.imgur.com/bmdtk.jpg

طريقة عمل الكشري المصري علي أصوله بالصور
http://i.imgur.com/w99iw.jpg
الكشري المصري بس من ايدي غيير
المقادير
علي حسب عدد أفراد الاسرة
عدس أبو جبه يعني اللي فيه قشرة غامقه
رز مصري
مكرونه حجم صغير
بصل مقطع شرايح رفيعه ومقلي
صوص طماطم مكونه من
بصل مفروم ناعم + ثوم مفروم + طماطم مفرومه ف الخلاط
ملح + فلفل أسود + كمون + شطه حاره
صوص الثوم والخل
مكون من :
خل + ماء + ثوم مفروم + شطه+ ملح + كمون

طريقتي بالتفصيل يمكن تكون مختلف شويه ولكن الطعم مركز وأحلي من المطاعم بكتيييييييير
اولاً
بحمر البصل الاول في زيت غزير عشان يكون مقر مش
وافرده علي ورق مطبخ ليمتص الزيت الزائد
ثم أرش عليه قليل من الملح والكمون بيعطي طعم رائع للبصل
ودي صورة البصل المقرمش
وخلي بالك أوعي تغمقي لونه عشان مش يكون طعمه مر
http://i.imgur.com/oa67M.jpg
بعد كده طبعا أنا بقول الخطوات بالترتيب عشان نستفيد بالزيت اللي حمرت فيه البصل
وكمان لان الزيت بيكون أخد طعم البصل
باخد الزيت واطبخ بيه العدس والرز والمكرونه
وبكدة استفدت منه بدل ما ارميه
وف نفس الوقت بيعطي طعم حلو
المهم نضع قليل من الزيت في حله ع النار
ثم الماء وشوية بصل من اللي قليناه
ولما يغلي الماء نضع العدس المغسول والمصفي
واحط كمون أهم شئ
وكتري كمية الماء لان هاناخد منه للرز
ولما يقرب ع الاستواء نضع الملح


http://i.imgur.com/nja2F.jpg
أه ونسيت بحط مع العدس نصف مكعب ماجي
وبعد ما يستوي بصفيه من الماء واسيب العدس شويه ع نار هادئه
لغاية مايتبخر من المايه وينشف تماماً
ثم في إناء اخر نضع شويه من زيت اللي قليت بيه البصل
وأضيف ماء العدس واظبط الملح ولما يغلي أضيف الرز
واخليه يستوي عادي ذي طريقة الرز العاديه


http://i.imgur.com/TbNVv.jpg
ودا شكل الرز بياخد لون حلو وكمان طعم


http://i.imgur.com/22EMR.jpg
بعد كده
المكرونه
ودي طريقتي فيها مختلفه شويه
بدل ما أسلقها ويكون مش لها طعم
بطبخها مثل الرز تمام
في إناء نضع شويه زيت
ثم الماء ومكعب ماجي وشوية فلفل اسود وملح
واخليهم يغلوا ثم أضيف المكرونه
مع مراعاة ان تكون كمية الماء يادوب تغطي وجه المكرونه
وأهدي النار جداً
واخليها تستوي مثل الرز
ودي بتكون طعمها احلي بكتيير من المسلوقه
http://i.imgur.com/ByNCE.jpg
اخدتوا بالكوا من كمية المايه
وكمان بعد ما استوت مفلفله ولذيذة
بعد كده نجهز الصوص
نضع بصله صغيرة مفرومه ناعم مع فصين ثوم مفرومين ونشوحهم شويه ع النار


http://i.imgur.com/aCrQU.jpg
ثم نضيف الطماطم المعصورة
ومعلقه كبيرة خل
وملح وفلفل اسود وشطه للي بيحب الحراق
بس أكيد الكشري لازم يكون حار جداً
ونسيب الصوص يتسبك تماماً ع النار
ودا شكله
http://i.imgur.com/uGjO8.jpg

بعد كده نجهز صوص
الثوم بالخل
وكمان طريقتي فيه مختلفه شويه
في إناء صغير نضع
3 فصوص ثوم مهروسه
وربع كوب خل
وماء
وملح وفلفل اسود وكمون وشطه مجروشه
واخليهم يغلوا غلوة واحدة ع النار
عشان كل حاجه تأخذ من بعضها ف الطعم
او تجهزيه ع البارد وتسبيه منقوع مع بعضه وتسبيه ف التلاجه بضع ساعات


http://i.imgur.com/1U6pH.jpg

وكمان قليت معاه باذنجان علي طريقتي
لزوم التحابيش وكمان بيفتح النفس


http://i.imgur.com/07wgl.jpg
ومرة تانيه مكنش موجود عندي فلفل احمر عملته بالأخضر
وكان لذيذ


http://i.imgur.com/LzlyR.jpg

وكمان باقي خلطة الباذنجان حشيت بيها طماطم
بقطع الطماطم نصفيه
ونفضيها من اللب والماء الموجود فيها
واضيفه لخلطة الباذنجان
واحشي بيها الطماطم
وبخليها حراقه شويه
ياسلام سلم لذيذة وتفتح النفس
يم يم


http://i.imgur.com/mIiIi.jpg
ودي شكلها ع السفرة
http://i.imgur.com/kCCYH.jpg
نيجي بقي للكشري
نضع طبقة من الرز
ثم العدس
ثم المكرونه
وهكذا حتي تنتهي الكميه
ونرش البصل ع الوجه
وعند التقديم نضع الصوص
بحد بجد لذيذ وطعمه خيال
http://i.imgur.com/V6EC8.jpg
وممكن تغيري ف الترتيب
تخلي المكرونه طبقه اولي ثم الرز ثم العدس
ذي ماتحبي
المهم هو في الاخر كشري ههه


http://i.imgur.com/pmIxI.jpg


http://i.imgur.com/BFucM.jpg


http://i.imgur.com/VU7LM.jpg
ودي شكل السفرة كامله
http://i.imgur.com/Y0lXt.jpg


http://i.imgur.com/bmdtk.jpg
أتمني تجربوه
متأكده إنه ها يعجبكوا
في رعاية الله وأمنه
ولا تنسوني من دعواتكم الصالحه
والحمد لله الذي أطعمنا وسقانا وكفانا فكم ممن لا كافي له ولا مأوي

 
 
خيارات الطبخه :  ارسلي الطبخه لصديقتك   طباعة الطبخه   
   
موقع موسوعة الطبخ على تويتر موسوعة الطبخ على الفيس بوك