• EN
  • اشراف أم حاتم
موسوعة الطبخ حمية ورجيم شوربه الريجيم .. الشوربه الحارقة للدهون والكولسترول مع نظام الرجيم اللي نحفت فيه 17 كيلو بالصور

شوربه الريجيم .. الشوربه الحارقة للدهون والكولسترول مع نظام الرجيم اللي نحفت فيه 17 كيلو بالصور

بواسطة: بحب بلدي
تاريخ الطبخة: 20/06/2012

شوربه الريجيم .. الشوربه الحارقة للدهون والكولسترول مع نظام الرجيم اللي نحفت فيه 17 كيلو بالصور
http://i.imgur.com/QJmTj.jpg

الشوربه الحارقة للدهون والكولسترول
http://i.imgur.com/bbVQt.jpg
حبيت اقدم لكم
شوربه الريجيم الحارقة كما تسمي
وكمان سوف استعرض تجربتي معها
نقول بسم الله
ونبدأ بالمقادير
واحد حبه ملفوف
2 حبه فلفل رومي اخضر
6 حبه بصل
أنا استخدمت ربطة بصل اخضر + 3 حبه بصل احمر
2 حبه طماطم
حزمه بقدونس او كرفس
الطريقه
تغسل كل الخضروات
ثم تقطع وتوضع في إناء
ونضع عليها كميه من الماء
ودي الصورة


http://i.imgur.com/IkcbG.jpg
ونتركها علي النار حوالي نصف ساعه
يادوب الخضروات تلين
مثل الصورة


http://i.imgur.com/Dw3DO.jpg
ونتركها تبرد قليلاً
ثم نخلطها في الخلاط
http://i.imgur.com/FWufr.jpg
والحقيقة أنا بحب اصفيها من الألياف القليله اللي موجودة فيها
بتكون ألذ وأحسن في الطعم


http://i.imgur.com/n1ne6.jpg
وبعد مانصفيها
نضعها في حله علي النار
ونضيف الملح والكمون بس
واحياناً بضيف نصف مكعب ماجي بيدي طعم حلو
ومش ها تزيد من سعراتها الحراريه
المهم نتركها تغلي ع النار غلوتين ونطفي النار عليها
وبكدة اصبحت جاهزة
وممكن تعصري عليها ليمون


http://i.imgur.com/TRItb.jpg


http://i.imgur.com/GEVor.jpg


http://i.imgur.com/JvMmn.jpg
وتلذذي بالطعم
صدقوني طعمها حلو جداً
تشبه شوربة العدس بنسبه كبيرة جداً
ودي طريقتي ونظامي
اللي خسيت عليه 17 كيلو خلال شهرين والحمد لله
الفطور
ربع رغيف+ بيضه مسلوقه مع كوب شاي اخضر من غير سكر
او شاي مع حليب قليل الدسم كمان من غير سكر
وبغير في الفطار
اليوم التاني
ربع رغيف + قطعه جبن قريش + حبه خيار
او
ربع رغيف + 3 معالق فول مع معلقه زيت زيتون + شاي من غير سكر
او
حبة توست مع شريحة جبن قليل الدسم + كوب نسكافيه من غير سكر
الغدا
عندي كمان خيارات كتيير بحيث انك متحرميش نفسك من اي عنصر غذائي
سوف استعرض منوعات الغدا
بس خلوا بالكوا من او
الغدا
ربع دجاجه مشويه او مسلوقه + الشوربه الحارقة
او
قطعه لحم مسلوق او مشوي + طبق سلطه خضراء
او
2 حبه سمك مشوي + طبق سلطة خضراء
او
تونه + ربع رغيف + طبق سلطه خضراء
او
الشوربه الحارقة فقط بشرب منها علي حسب الشبع
او
اي خضار انتي عملتيه في البيت( كوسه او بسله او فاصوليا )
بأكل الخضار بالمعلقة لوحدة بدون خبز او رز
او
شريحه برجر دجاج مشوي + شريحة توست + خس + حبه طماطم
او
2 اصبع كفته + طبق سلطه خضراء
يعني الخيارات عندك كتيير في الغدا
وبكدة مش هاتشعري انك عامله دايت ومش هايجبلك اكتئاب لأنك مش مقيدة بنوع معين من الأكل
وممكن اعتمد علي الشوربه الحارقة لوحدها لمدة يومين متتالين
بالنسبه للعشا
علبة زبادي قليل الدسم + اي نوع فاكهه موجود عندك
في فترة المغرب وقبل النوم
بعمل مشروب الزنجبيل والقرفة والشاي الاخضر
الصراحه حسيت انه بيجيب معايا نتيجه وخاصه في منطقة البطن
فكل الأبحاث ثبتت مفعول الزنجبيل في إذابة الدهون
وطريقتي
ف إناء ع النار نضع الزنجبيل الفريش معلقه كبيرة+ معلقه صغيرة قرفه + معلقه كبيرة شاي اخضر
ولو حبيتي تحطي شريحه ليمون حطي
وبمجرد مايغلي طفي النار وغطيه واشربيه
ولو حسيتي بالجوع بين الوجبات كلي خيارة او جزرة او تفاحه او خس
ومن الافضل عدم الأكل بين الوجبات
مع مراعاة شرب كميه كبيرة من الماء
اول ماتصحي من النوم اشربي كوبين ماء مع معلقة عسل
يتنظف المعدة وبتطهرها
واشربي كوب ماء قبل الأكل بنصف ساعه
وحاولي متشربيش مايه بعد الأكل مباشرة
ملحوظه
كل يوم جمعه بعمل open day
يعني بأكل كل حاجه نفسي فيها وحتي الحلويات
بس طبعا بكميات بسيطه يعني مجرد التذوق من كل شي جزء بسيط
وبكده ابدأ يومي يوم السبت وانا مش مشتهيه اي حاجه
وكمان عشان أكسر روتين الريجيم للجسم ويحرق اكتر
لان الجسم لو اتعود علي نظام معين وثابت بتلاقي وزنك ثابت ومعدل الحرق بيقل

جربوا يابنات طريقتي هاتخسروا وزن من غير ماتشعروا
والحمد لله كل ما لاقي نفسي وزني زاد
بتبع النظام دا
والحمد لله والشكر لله بخسر عليه وزن
بالرغم ان عندي جهاز السير
الا ان الكسل انتوا عارفين
يعنوا لو اتبعتوا النظام دا مع ممارسة الرياضه
أضمن لكم نزول سريع في الوزن
أتمني ان اكون أفدتكم
مع تمنياتي للجميع بالرشاقة والصحه
ولا تنسوني من دعواتكم الصالحه
في رعاية الله وآمنه


التقييم
شاركي معنا