• EN
  • اشراف أم حاتم
موسوعة الطبخ وصفات الزوار دجاج بالفرن مع الارز

دجاج بالفرن مع الارز

بواسطة: همسه
تاريخ الطبخة: 24/06/2012

دجاج بالفرن مع الارز
خلص الوقت والزوج والعيال راجعين
هاي اكله رز مع دجاج فالفرن عالسريع
اول شي نقعي الرز في ماي حار
ثانيا غسلي الدجاج زين وطلعي منه الجلد ودقي الثوم وحطي معاه الملح والفلفل الاسود والفلفل الاحمر والكمون والبهارات وشوية كركم واخلطيهم زين مع شوية زيت وادهني فيه الدجاجه كلها
شغلي القرن وحطي الدجاج في البصينيه بعد ما قطعتي فيها فلفل رومي حلقات وطماطم حلقات وبصل حلقات وغطي الصينيه زيييين بالقصدير وحطيها فالفرن على نار هاديه لمدة ساعة الا ربع بالضبط

وفي هالوقت حطي قدر عالنار وقطعي فيه بصل حقات مع شوية زيت وحمريه مع الثوم المدقوق وحطي فوقه طماطمن مقطع مكعبات صغيره ورشي فيه شوية كمون واتركيه لين يدبل الطماطم شوي وفي هالوقت تكونين فورتي ماي بحيث يكون لكل كوب رز كوب ونص ماي وحطي فيه مكعبات الماجي بحيث يكون لكل كوب رز مكعب واحد ماجي
لما يدبل الطماطم حطي فوقه الرز وخلطيه زين وحطي فوقه الماي الي فورتيه وخليه شويه على نار عاليه لين مايبدا الماي ينقص شوي وبعدها خليه على نار هااااااااديه لين ينجح
لما تمر الساعه الا ربع طلعي الدجاج واتاكدي انه استوى و طلعي القصدير وولعيله فوق بعد ماتدهنين الدجاجه من فوق بشوية كاتشاب او صلصه علشان يعطي لون حلو

وبالهنا والشفا على قلوبكم


التقييم
شاركي معنا