فطائر الكشك واللحمه
بواسطة: أحلام البزايعة
تاريخ الوصفة: 02/02/2013
فطائر الكشك واللحمه
المقادير حسب افراد الاسره
كميه من العجين المكون من الطحين وشوي زيت وبيضه وقليل من الحليب الناشف وملح وخميره فوريه
بنعجنهم كويس وبنضعهم جانبا ليختمروا
وانا تركت مقادير العجين لكل وحده وحاجتها
اك لحمه حمراء خشن
راسين بصل مقطعين ناعم
زيت زيتون ملح وفلفل اسود وبهارات خفيف
خمس كرات من الكشك بصله مقطعه ناعم زيت زيتون وفلفل احمر ناعم
الطريقه
ننقع كرات الكشك من الليل حتى الصباح حتى يصبح متل الجبنه الطريه وكمان بيكون اتخلص من كمية الملح الزائد منو
بعدين بنضيفلو البصل الناعم والزيت والشطه الحمراء
وبنخلطهم جيدا متل هيك
في هذه الاثناء بنكون قطعنا العجين كور صغيره وبنتركها على طبق مستدير لكي ترتاح وهاي مهمه كتير لانه التشكيل بيكون اسهل
وهلا بناخد قطعه وبنرقها بالزيت بشكل مستدير حتى تبان الحشوه نها لكن بدون ما تتشرخ انا هيك بفضلها رقيقه
وبفرد الكشك فوقها وبطبقها بشكل مثلث
وكمان اللحمه بنفس الطريقه
بحطها بصواني مدهونه بالزيت وبدخلها الفرن واقوم بخبزها حتى الاستواء
وهاد شكلها النهائي
وصحتين وعافيه على قلوبكم
ملاحظه: ممكن تعملوا الجبنه البيضاء مع البقدونس المفروم
والسبانخ وكمان النعنع البري والبطاطا البوريك
وهذي الحشوات المالحه
