طريقة عمل طرشي الفلفل الحار المحشي بالصور

طريقة عمل طرشي الفلفل الحار المحشي بالصور

عملت مخلل فلفل حر محشي اشي خيااااااااال
كتير غريب وبشهي وبنفع للعشاء او جنب الاطباق الرئيسيه عالغدا
وطبعا سهل وما بدو غلبه
المقادير:
فلفل حر يفضل الحجم الكبير شوي الي بيسموه قرن الغزال عشان ما يكون حر كتير (بس ازا بتحبو الحر فانتو حرين) وحتى يكون سهل للحشو
طماطم وبقدونس وثوم

بنفرم البقدونس فرم ناعم والبندوره كمان بنفرمها فرم ناعم شوي
وبنفرم فوقها الثوم وبنضيف شوية ملح




وطبعا بنكون فتحنا الفلفل من المنتصف بهادا الشكل






وبنحشي الفلفل بالخلطه




بنرصهم في مرطبان زجاجي وبنضيف الماء المملح


وانا عياري للمخللات هو 2 ملعقه كبيره ملح لكل لتر ماء وملعقه كبيره خل ابيض,,,في ناس بيحطو سكر بس انا بحط خل وما في فرق بينهم
بنحط معهم ليمون مقطع ويوضع في مكان مشمس لمده يوم واحد ازا بدك ياه يخلص بسرعه وبعدها بينترك اسبوع او لحتى يستوي وهدا بيعتمد على الجو عندكم


وبالعافيه عليكم