حلى كاسات البالوظة بالصور

حلى كاسات البالوظة بالصور



حلى البالوظة .. ايه ايه البالوظة حلى سوري بامتياز


المقادير:

5 ليتر حليب
6 كاسات سكر كبيرة
3 كاسات نشا كبيرة
2 كيلو برتقال

الطريقة:

منحط الحليب على نار وسط و بنستنى حتى يغلي بشكل كويس منحط كاسة ونص نشا و 3 كاسات سكر ومنحرك الحليب منيح حتى يدوب السكر ويغلي الحليب بعدين منرفع الحليب ومنتركه يبرد شوي على جنب وبعدها منعبي الحليب بالكاسات وشوي بالثلاجة حتى يجمد شوي

بهالوقت بنكون عصرنا 2 كيلو برتقال ، منحطهم عالغاز لحتى يغلي وبس يغلي منحط نص كاسة نشا وكاستين سكر ومنحرك منيح ليغلي شوي كمان ويصير سميك شوي

منطلع الكاسات من الثلاجة وبنضيف طبقة من عصير البرتقال فوق الحليب المجمد وبعدها منرجعها عالثلاجة لمدة 20 دقيقة تقريبا ..

ممكن اضافة مكسرات للزينة مع شوية جوز هند .. وصحتين وعافية