كيكة الخنفروش او قرص عقيلي بالطريقة القطرية
بواسطة: ASM
تاريخ الوصفة: 12/12/2014
طريقة كيكة الخنفروش الي يننت كل من ذاقها ودوم هلي يطلبونها وهي سهله جداً ومكوناتها بسيطه وموجوده في كل بيت وتقدرون اتسونها كيكه كامله او مب كيك او حتى بالمكينه
اني للمقادير :
===========
• 3 بيضات
• كوب طحين
• ثلاث ارباع الكوب سكر
• ثلاث ارباع الكوب زيت نباتي واذا تبين اتقللينه لين نص كوب عادي ايصير
• استكانه ماء ورد منقوع فيها زعفران وملعقه صغيره هيل
• اسكانه طحين ارز
• ملعقة كبيره بيكنج بودر
• نص استكانه حليب مراعي
• 2 ملاعق كبار قشطه
الطريقة :
======
1- تخلطين البيض والسكر الى ان يصبح مثل الرغوة.
2- تضيفين الزيت واستكانة ما الورد.
3- يضاف الطحين والبيكنج باودر واطحين الارز المطحون مع الاستمرار في الخلط
4- اخر شي تضيفين القشطة والحليب
وتدهنين القلب الكبير بالزيت وتصبين الخليط
او تصبينهم في ورق الكب كيك
وتكون حراره الفرن 180 او 170 ولازم اتشغلين الفرن اول ماتبتدين اتحضرين الكيكه
وفي العافيه مقدماً
