• EN
  • اشراف أم حاتم

حلى منال سهل وسريع

بواسطة: نوره البليهد
تاريخ الوصفة: 03/01/2015

طريقة عمل حلى منال سهل وسريع بالصور
http://www.encyclopediacooking.com/upload_recipes_online/uploads/images_%D8%AD%D9%84%D9%89-%D9%85%D9%86%D8%A7%D9%84-%D8%B3%D9%87%D9%84-%D9%88%D8%B3%D8%B1%D9%8A%D8%B9.jpg

http://www.encyclopediacooking.com/upload_recipes_online/uploads/images_%D8%AD%D9%84%D9%89-%D9%85%D9%86%D8%A7%D9%84-%D8%B3%D9%87%D9%84-%D9%88%D8%B3%D8%B1%D9%8A%D8%B92.jpg

لي كم يوم مشتهية حلا بصينية قزاز
صياني الطيبين.. مدري ورااااي .. يا زين طعم الحلا منول بهالصياني ..كانت اللي تسوي حلا مسوية انجاز
لان اغراضه ماكانت متوفرة مثل اللحين الحمد لله..وين كشخة اللي يسوون حلا منول
الله يرزقنا شكر النعم..ولايغيرعلينا..يا زين هذيك الايام وبساطتها
المهم سويت حلا طريقته عندي بدفاتري القديمة
اسمه حلا منال لوحده من زميلاتي الله يذكرها بالخير واغلب الوصفات كانت مرتبطة بأسماء اللي سووها يا زيننا بس

مقادير وطريقة عمل الحلى :

_ الطبقة الاولى شرايح باوند كيك تصف بالصينية وتسقى بشوي من محلول النسكافيةً مع الموية والسكر..

. _ نسوي هالخليط نذوب ٣ اصابع باونتي اللي فيها حبتين على النار مع قطعة صغيرة زبدة وشوي حليب سايل تقريبا ربع كاس لمايذوب ..وبعدين نخليه على جنب.

_الطبقة الثانية نخلط اثنين دريم ويب مع ربع كاس حليب بارد جدا ثم نضيف ٣حبات جبنً كيري وربع علبة حليب مركز الكبير وعلبة قشطة.. وبعدين نضيف خليط الباونتي للخليط السابق ثم يسكب على الكيك.وتدخل الصينية الفريزر ساعة...

_ الطبقة الثالثة نذوّب ٣جالكسي بحمام مائي وبعدين نضيف القشطة..ثم يسكب على الطبقة الثانية ويزين بشرائح جوز الهند ويدخل الثلاجة كم ساعةلما يبرد ولايحتاج جلاتين ولاشي ..

جربوه ان شاء الله بيعجبكم
وبالف عافية على قلوبكم..وبسابتسامة


إرسال الوصفة