معمول الجوز

معمول الجوز


لذيذ مررة وهش وطري يجنن



مقادير و مكونات وطريقة عمل معمول الجوز

نجهز بالخلاط زبدة حجم ٢٠٠جم.يعني قالبين زبدة بحرارة الغرفة طرية ولينه.
.
_نضيف لها نصف كاس سكر بودر يعني سكر مطحون مب الجاهز..ونخلطهم مع بعض لمايكون الخليط فاتح كريمي..
.
_ نضيف صفار بيضتين ونكمل خلط وبعدين نبدأ نضيف كاسين ونصف دقيق تقريباوملعقة صغيرة مب مليانه بكنج بودر...
.
_نخلطهم مع بعض وتتكون عجينة لينة...
.
_نبدأ نقسم العجينة الى كرات صغيرة ..
ونسوي فتحة داخلها بالاصبع ونحاول نجوفها...
.
_نحشيها ملعقة صغيرة من الحشوة (جوز اللي نسميه عين الجمل مفرووم بالسكين ناعم مع شوي سكر بودر والقليل من ماء الزهر واللي مايحب ماء الزهر لايحطه).
.
_ونسكر العجينة ونكورها ونشكلهابالمنقاش الخاص بالمعمول.. تلاقونه بالمحلات الشامية اللي تبين زيت الزيتون والزعتر..واللي مايتوفر عنده المنقاش يستخدم قوالب المعمول
للخشب او البلاستيك...
.
_نرتب حبات المعمول بالصينية وندخلها الفرن مسبق التسخين على نار هادية لماتحمر من تحت.. ثم نرفعها فوق بالفرن لماتتشقر.. نطلعه من الفرن ونتركه لما يبرد..لانه بتفتت عليك لو شلتيه وهو حار...ثم يقدم وبالف عاااافية على قلوبكم. .
لذيييذ جدا ..جربوه بنات وعلمون وشش رأيكم فيه..
.
ملاحظة:
.
اذا تبين المعمول مقرمش شوي نقصي الزبدة حطي قالب ونصف وحطي بيضة وحدة مع ملعقتين حليب سايل وكملي الباقي..وبكل الطريقتين الطعم خيال ولا أحلا من معمول البيت