حشوة الخضار للسمبوسه بالصوره
بواسطة: عبير العميرة
حشوة الخضآر طريقتي فيه :
أول شي أقطع الخضار صغار مره ( بطاطس + جزر + فآصوليا ) وأسلقها نص سلقه بس تصير لينه شوي مو تنهرس لا بس شوي .
وبعدين أصفّيها على طول واخليها على جمب .
الحين أجيب التاوه :
أحط شوي زيت مع شوي زبده واحمس فيه بصل مفروم مع شوي ثوم مفروم واذا بدى يذبل حطيت شوي صلصة طماطم + مرق دجاج نص كوب كذا واحط البهارات والملح واخليه يتسبك شوي وبعدين اضيف الخضروات واخليه على نار هاديه لين تستوي مضبوط وتتشّرب مرق الدجاج كله واخر شي اطفّي النار وأضيف البازلاء المعلّبه وأخلطها بخفّه عشان ماتنهرس وخلصنا
بسيطه ولذيذه حتى اللي مايحب الخضروات من أهلي حبّوها لأن مرق الدجاج والبهارات تخلّي الخضروآت تصير لذيذه
