كرات الايس كريم بالتويكس

كرات الايس كريم بالتويكس


كرآت آيسكريم التويكس شي يجنن خطير خيال من جد لذاذه ماحصلتشي
وبما ان الجو بدى يصير حآر بدينا نشتهي الأشياء البارده اللي تسرسح ع القلب
هذا الشي من المبدعه أخت زوجي نوفآ لبى قلبها ذقته أمس من يدياتها وانجنيت عليه وقلت لازم أصوره وأنزل لكم الطريقه تستاهلون الزين


* الطريقه :

أ/ ( في الخلاط )
١٦ اصبع توكس .
علبة قشطه .
نص علبه حليب نستله الكبير .
بيالة حليب بارد .
ظرفين كريم كرميل .
وتضيفينها على باكتين بسكوت شاهي الكبير مطحون ) .


ب/ في زبديه :

( ظرفين دريم ويب وبيالة حليب بارد تخلطينها لما يصير كريمي ومتماسك بعدين تضيفين عليه جبن فيلادلفيا ٣٠٠ جرام ونص كاس سكر بودره ونص علبة نستله الكبير ) .
بعدين تخلطين ( أ+ب ) مع بعض وتغلفينها زين وتحطينها في الفريزر يوم كامل .
بعدين بملعقة الايسكريم صلحي منه كور ..
وغلفيه بأوريو مطحون وكيك شوكولاته مفتت ورجعيه ثانيه الفريزر لوقت التقديم وزينيه زي ماتحبين وبالعافيه على قلوبكم