الذ تغميسه حاره للشبس والدوريتوس
بواسطة: الدموعه
تاريخ الوصفة: 02/10/2015
انا من عشاق الفلفل اللي يكون حرارته حلوه , يعني حآره لاذعه مع اشوي سويت , امممم صعب الوصف
بس حابه و اتمنى تجربوها سهله مره و لذيذه مره مره
نبدآ بالمقادير والطريقه على طول لعمل التغميسه اللذيذه
بصل وثوم
فلفل
ملح + ملح صيني ( اجيناموتو )
جزر مبشور
خردل
واضفت كزبره خضراء لاني احبها ( يمكن الاستغناء عنها )
الطريقة
نفرم البصل مع الثوم والمهم تكون كمية كبيره اشوي ..
نحطه في قدر عالنار نقلبه لين يذبل اشوي بزيت زيتون
نفرم الفلفل بالخلاط وبعدين ونحطه على البصل و الثوم ونقلبهم تمام على النار ونحط ( الملح والملح الصيني ) ونقلبهم ونحط الجزر المبشور عليهم ونقلبهم الين يذبل اشوي واخر شي نحط ملعقتين خردل ونقلبهم ثواني ونطفي النآر وطبعآ تحفظ في علبه بلاستيك .. ونرش عالوجه زيت زيتون
تجنن يابنات , جربوها على ضمانتي .. حرارتها تهوس ..
انا احشي الساندوتش جبنه وادهن من الفلفل واحط خس .. يمي يمي .. وممكن تغميسه مع للشبس والدوريتوس والناتشوز خيال .. وممكن تغميسه مع اي شي حآبته
مقدمآ بـ الف صحه وهنا عليكم
وشكرا لاختي اوروبية الهوى على الوصفه لان التغميسه من افكارها
