مقلوبة دجاج كذابة لذيذه
بواسطة: حلى قهوة
المقادير |~
صدور دجاج مقطع مكعبات
بصل مقطع شرايح
فلفل رومي مقطع مكعبات صغيرة
جزر مبشور
ثوم مطحون
ماجي + ملح + فلفل أسود + بهارات
كركم مخفف بكاس ماء
رز مسلوق بماء وزيت وملح
الطريقة |~
شوحي البصل مع شوي من الزيت
قلبي لين يذبل البصل .. وحطي الفلفل الرومي وقلبيه
حطي البهارات والفلفل الأسود والملح والماجي
حطي الجزر المبشور واستمري بالتقليب
حطي الدجاج وقلبيه شوي ع النار تقريباً خمس دقايق
جهزي الكركم المخفف بالماء
حطي الكركم ع الدجاج وقلبيه
غطيه وخليه ع نار هادئة لين يستوي الدجاج
بعد ما يستوي الدجاج ويكون الرز جاهز
جيبي قدر نظيف .. وحطي الدجاج
حطي فوقه الرز واضغطيه عشان ما يتناثر اذا قلبتيه
وخليه خمس دقايق ع نار هادئة
اقلبيه وقدميه والف صحة وعافيه
