سوفليه الشوكولاته بالنوتيلا خطير ولذيذ وسهل بالصور
بواسطة: سعودية
تاريخ الوصفة: 15/10/2015
best chocolate souffle recipe
جايبتلكم وصفة سوفليه رهيبة ولذيذه والله حتحبوها جدا ان شاء الله
بسيطة وسهلة جدا ولو جربتوها مرة تكررونها مرات والله وعلى ضمانتي وخصوووصا عشاق الشوكولاته
الحلى اسمه سوفليه الشوكلاته
ومقادير السوفليه هي :
4 ملاعق نوتيلا
4 ملاعق دقيق
2 بيض
100 غم زبدة
فانيلا
شوفتو المقادير بسيطة جدا وطريقة العمل اسهل وحتشوفو ان شاء الله)
المهم بالاول :نحط الزبدة باناء على النار ونسيحها
ثانيا:نحط النوتيلا فوق الزبدة ونخلطهم لحد ما يذوبو هم الاتنين
وبعدين نشلهم من على النار (مع استمرار التقليب)
ثالثا:نحط البيض والفانيلا ونقلب كويس
رابعا :نحط الدقيق ونخلط كويس جدا
واخيرا نحط العجينة بقوالب السوفليه وعلى الفرن على طول
نحط القوالب في الفرن الى ان نلاحظ ان العجينة انتفخت تقريبا من 10 دقايق الى ربع ساعة
وحيكون شكلها كذا
وبعد ما نطلعها من الفرن يكون شكلها كذا
وبعد شوية حتهبط عادي جدا لان داخلها سائل
ولو شلتي الطبقة الي فوق تلاقي الشوكلاته سايحة ونايحة كذا
وسيكون عليها هجوم وتبقى زي كذا
وحتعمليها كتييير ان شاء الله
ملاحظات مهمة:
لازم يكون سائل من الداخل فلا تخليه بالفرن اكتر من الوقت المحدد
وممكن كمان تضيفي ملعقة كاكاو لتعزيز النكهة
ومن الافضل تسخين الفرن قبل البدء بعمل السوفليه
وكمان ممكن تضيفي ملعقة بيكنغ باودر لحتى تصير العجينة هشة اكتر
في امان الله
منقول
