بيض شكشوكة عدني
بواسطة: عبير العميرة
طريقة عمل بيض شكشوكة عدني
هذي الطريقه أموت عليها بشكل الشكشوكه العدنيه
المقادير والطريقه لعمل بيض شكشوكة عدني :
١- بصل مقطع ناعم نحمسه بزيت لين يذبل .
٢- نضيف عليه طماطم مكعبات و تكون لينه شوي مو قاسيه عشان تطلع مويتها بالحمس ونخلي النار هاديه ونحرك الطماطم لين يتسبّك .
٣- نضيف شوي صلصة طماطم وفلفل حار على حسب الرغبه .
٤- نضيف ملح وفلفل اسود واحمر وبهارات ايطاليه .
( البهارات الايطاليه أحب نكهتها بالشكشوكه وهذا مسألة ذوق إذا مايعجبكم لا تضيفونه ) .
٥- بعدين نضيف بيض لمن يذبل الطماطم ويتسبّك ونحرّك لين يستوي البيض لاتخلونه ع النار لين تنشف موية الطماطم ويتفتت البيض ترى مايطلع حلو .!
٦- يقدّم دافي مع الخبز المفرود الحار وكاسة شاي وياسلام .
وينفع تجيبون خبز صامولي وتشيلون العجين وتحشونه من الشكشوكه وعليه شطه يممممممم لذيذ .
.
وجعله بألف عافيه على قلوبكم
