سمبوسه بروستد
بواسطة: حواء
تاريخ الوصفة: 11/11/2015
إن شاء الله تعجبكم هالفكرة المفيدة للسمبوسه .. وفوق هذا شكله وايد حلو بالتقديم
المقادير و الطريقة :
عجينة سمبوسة
أي حشوة مالحة تعجبك .. سواء خلطة أجبان أو بطاط مسلوق أو حشوة دجاج
تقصين العجينة بالعرض قسمين متساويين
وتحشين السمبوسه وتلفينها عادي ..
غمسي كل قطعه سمبوسة ببيض مخفوق مع شويه حليب مركز مثل حليب ابوقوس
وغطيها في كيس فيه خلطة البرووستد المفضلة سواء بفلفل أو العادية وإذا ماعندج الخلطة عادي غمسيها في بقسماط وضيفي له شويه بهاراات ..
تقدرين تستخدمينها مباشرة أو تجمدينها بالفريزر بحافظة بلاستك أو بأكياس شفافة ..
ومثل السمبوسة العادية لكن الطعم أكيد أحلى .. اقليها بزيت غزيز
وهذي شكلها أثناء التحمير ..
وبعد التحمير
وطبعا تهبل للتفريزز
والحشوة انتي و اختيارج
وبدال الميني تقدرين تسوينه بحجم السمبوسة العادية
او بالسبرنق رول
او تلفينها بطريقه المطبق السعودي - شكلها يصير مربع
و ممكن بدال تغميسة البروست
تغمسينها بزعتر لو الحشوة جبن مالح
او بالسمااق لو الحشوة شاورما او سبانخ
وبالعاااافيه يارب
