الحنيني من مطبخ عبير العميرة

طريقة عمل الحنيني من مطبخ عبير العميرة




الحنيني اللذيذ وصل من القصيم *

أكيد كلن وله طريقته في الحنيني ، تعددت الطّرق وبالأخير هو عباره عن خبز وتمر ... وطبعاً الأكلات الشعبيه مرجعي الأساسي فيها ( ماما ) جعلني ما انحرم منها يارب ❤️ والله يجزاها عني الجنه يارب .. اللهم آمين

- المقادير والطريقه لعمل الحنيني :

كوبين دقيق ( أسمر ) ، مع ربع ملعقه صغيره ملح ،
وربع ملعقه صغيره سكر، وملعقة كبيره حليب نيدو
( بودره ) ، وملعقه صغيره خميره ..
نعجنها بالماء لين تصير مثل عجينة اللقيمات ونخليها تتخمر ساعه .
بعدين نحمي الصاج ونفرد العجين عليه ونخليه سميك شوي ونخليه يستوي ويتحمر من الجهتين ، بعدين نجيب تقريبا ً ( كوب تمر - منزوع النوى - ونص اصبع زبده - مذوّبه - ) ونبدأ نفرمه بالفرامه لين تتنتهي الكميه مع إضافة الزبده ، (اللي ماعنده فرامه مو شرط اي شي ينفع مثل : قطاعة البصل اليدويه) بعدين نحطه في قدر ونسخنه على النار مع إضافة فلفل أسود مطحون (حسب الرغبه) واللي حاب يزيد مقدار الزبده (إختياري) .

ويقدّم بالشكل اللي تحبون
يا إني أعشقه وأدوخ عليه مع القهوه أو مع الفطور + الحليب الساخن ياسلام
.... جعله هني وعافيه على قليباتكم يارب ... ......
......
- التقديم بصحون فرديه أشهى وأجمل بالنسبه لي