طريقة حشوة الاقماع بالجبن المالح مع الزعتر
بواسطة: عبير العميرة
تاريخ الوصفة: 19/06/2016
حشوة للأقماع جبن مالح مع الزعتر
.
.
حشوة سهله جداً وطعمها لذيذ
طريقة عمل الحشوة :
نخلط :( جبن مالح فيتا + شوي نعناع طازج مفروم + معبوج
طريقة المعبوج للي ما تعرفها :
الثوم رأس كامل ننظفه وندق الفصوص لين تنهرس وتشوّح في زيت زيتون لين يصير لونه ذهبي مو يتحمر انتبهو + ملعقة كبيرة كزبره حب تدق لين تصير مجروشه و نصف ملعقة كبيره كمون حب يدق لين يصير مجروش ونضيفهم مع الثوم وبعدين نضيف له شوي ملح ونضيف طماطتين مقطّعه مكعبات كبيره + م ك معجون طماطم + م ص كركم مطحون + م ك دبس الرمان ونخليهم يتسبّكون شوي وبعدين نطفّي عنه النار ونضيفه على :
كيلو فلفل أحمر حار طازج ننظفه ونشيل الراس منه واللي مايحب الحبوب اللي داخل يشيلها ونحطه بمحضرة الطعام + ربع كوب خل .
وبعد ماينخلط نطبخه شوي على النار ٥دقايق تقريباً ونضيف م ك دبس الرمّان ، وبعدين نحطه في برطمان ونضيف له زيت زيتون لين يغطّيه بالكامل عشان يخليه محتفظ بالنكهات لفترة طويله ونغطيه مضبوط وعند الاستخدام : ناخذ بالملعقه ونحط بصحن مو ناخذ بالملعقه من نفس العلبه ونرجعها عشان يجلس بالثلاجه فتره طويله مايتغير طعمه ولا يخرب . .
.
.
ونكمل نخلط :( جبن مالح فيتا + شوي نعناع طازج مفروم + معبوج ) ونحشي الاقماع
وآخر شيء نجيب صحن فيه زعتر
ونضغط القمع ع الزعتر راح يلزق بحشوة الجبن وشكله مرتب وكيوت
وبس
