• EN
  • اشراف أم حاتم

عمل السليق الحجازي

بواسطة: حجازيه
تاريخ الوصفة: 13/04/2018

عمل السليق الحجازي
http://www.encyclopediacooking.com/upload_recipes_online/uploads/images_%D8%B9%D9%85%D9%84-%D8%A7%D9%84%D8%B3%D9%84%D9%8A%D9%82-%D8%A7%D9%84%D8%AD%D8%AC%D8%A7%D8%B2%D9%8A.jpg

المقادير لعمل السليق الحجازي:

رز أمريكي((كل شخص تقريبا كاسة الجبن كرافت الصغيره((إنتبهوا مو الكبيرة))
دجاج أو لحم((إللي تحبيه كلهم يتسوو بنفس الطريقه))بس اللحم لازم يكون طازج وبعظمه
ماء مغلي ,ملح,ورق غار,سمن بري,حليب بودرة أو سائل مو مشكله,هيل

الطريقه لعمل السليق الحجازي :

أول شي تغسلي الرز مزبوط وتتركيه منقوع في مويه مغليه 5 دقايق....((طبعا الكميات كلها إنتي بالنظر على حسب كل شخص))
بعدين تقطعي الدجاج أرباع وتدعكيه بالملح والدقيق لين ينظف تمام وإدا لحم تغسليه تمام
وبعدين تحطيه في القدر وتحطي عليه المويه المغليه وتخليه يفور شوي حتى تطلع زفارة الدجاج وتشيليها...بعدين أضيفي للمرق أو المسلوقه ورق الغار والهيل وخليه على النار نص ساعه على الأقل لين ينضج الدجاج,,, وإدا كان لحم طبعا ياخد وقت أطول بس في السليق حاولي إنه يكون راس الخروف في القدر مع بقية اللحم لأن مرقة الرأس مافي أطيب منها في السليق ..المهم ياحبايبي,,,طبعا بعد مايستوي الدجاج أو اللحم تاخديه وتلفيه بقصدير وتحطيه بالفرن شويه بس علشان يتقمر ويحمر,,وبعدين تصفي المرق وتحطي عليه الرز ..وتظبطي ملحه.وفيه معلومه مهمه لازم تعرفيها....
السليق يستهلك مسلوقه أو مرق كثييير لأن الهدف هو إن الرز يصير طري جدا وبسرعه ينهرس...الشي الثاني....الرز راح ياخد وقت على النار فلا تستعجلي عليه...كل ماشرب الرز مرق أكثر كل ماطلع ألذ..والشي الثالث... ترى السليق ماينتظر يعني بمجرد نضوجه لازم يقدم لأنه لو ترك في القدر وبرد يصير مره مال داعي....ثم بعد مايبقى على نضوجه 10 دقايق نحط له الحليب((شويه حليب بودره محلوله في مرق الدجاج في كوب))ويضاف على الرز ويقلب ويترك عشر دقائق ثم يضاف له ملعقه صغيرة سمن بري ويقلب((إنتبهي السليق لاتقلبيه كثير علشان ماينهرس الرز))
ثم يوضع في طبق التقديم وفوقه الدجاج أو اللحم..... وبالعافيه...

وعلى فكره السلطه الحاره إللي يتقدم مع السليق هي عباره عن ((فلفل قرون أخضر حار مطحون ...وطماطم مطحونه,,,وبقدونس مفروم...وشوية زيت وملح...وثوم مفروم..))
وهذي يسموها ((الفلفل المكشن)) وطريقتها تحطي قليل من الزيت في المقلاة الصغيرة للبيض...وتضعي عليه الثوم حتى يحمر ثم نضع عليه الفلفل والطاطم ويقلب حتى يتسبك وينضج ونظبط ملحه,,, ثم يوضع في صحون الفلفل ويزين بالبقدونس....وبس للافاده وبالعافيه


إرسال الوصفة