سلطة الدجاج chicken salad recipe
بواسطة: الهنوف
سلطة الدجاج chicken salad recipe
–المقادير :-
وهـ نووفي مبين يلعب بالثيارات
احم ماعلينا
ايه شسمه المقادير
صدور دجاج
خس شرايح – جزر مبشور – ذره –بصل اخضر شرايح – جبن بارمزان مبشور
ثوم شرايح – زيت زيتون – ملح – فلفل اسود – زعتر بري ” Oregano ”
زبادي وفي روايه روب
– الطريقة:-
ننادي الشغاله ونخليها تغسل صدور الدجاج ولما تتنظف وتصير زي الفل
نجيب صينية ونبطنها بقصدير
نصف صدور الدجاج ونتبلها بالملح والفلفل والثوم ونرشها بزيت الزيتون من الجهتين وندخلهم الفرن
” يبيلهم نص ساعه تقريبا ” حراره من تحت
نجهز صوص السلطه وهو عباره عن :-
زبادي & زيت زيتون & ملح وفلفل
نخلط ونذوق الين ماتزين
نغطيه وندخله الثلاجة يتزبط
لا استوى الدجاج نطلعه ونقطعه chunks يعني قطع كبيره
ونتركه يدفى على جمب
في صحن التقديم نبدا نرتب الطبقات
خس – بصل اخضر – جزر – ذرة “ ممكن تضيفون اللي تحبون ترانا سمحين ”
آخر شي نضيف الدجاج لما يكون دفى اوب تحطونه وهو يطبخ تخرب السلطة
و نصب عليها الصوص وشرايح البارمزان ورشة زعتر بري
هذا صحني انا زودت عليها خبز محمص جاهز
و بالعافيـــــة على بطونكم
معلومة “-
السلطة هذي خفيفة و مفيده
الزبادي من اكثر منتجات الحليب اللي مليان كالسيوم
بالنسبة لي ما احب آكله لحاله فصرنا نسويه صوص سلطه << بشري أهلتس
