طريقة مقلوبة دجاج صحية سهله ولذيذه وسريعه
بواسطة: مشاعل الطريفي
تاريخ الوصفة: 29/01/2020
سويت المقلوبة بقدر الضغط الكهربائي أديسون وطلعت المقلوبة لذيذة وحارة🌶🔥
حطيت بالقدر بصل وزيت زيتون وحمستهم مع كشنة حايل الحمراء وصرار حايل
بعدين حطيت طماطة مع نصف حبة فلفل احمر رومي مطحونين ومطبوخين قبل
وأضفت حبة دجاجة مبردة مقطعتها ثمان قطع وشلت منها الجلد ومتبلتها بثوم وعصير ليمون وملح وفلفل أسود
وبعدين أتركهم شوي يتسبكون
بعدين أضيف الخضار اللي عندي (كوسة وقرع وفاصوليا وبروكلي)
وضبطت الملح وكتمتها ربع ساعة
بعدين فتحت القدر وأضفت كوب رز أبيض بسمتي مغسول ومنقوع بماء حار لمدة نصف ساعة ومصفّى من الماء
وأضفت كوب ونصف ماء حار وشوي ملح وكتمته ربع ساعة ثانية
بعدين فتحت القدر وقلبت المقلوبة بصحن التقديم وزينت الوجه بكزبرة خضراء وكشنة بصل مبهّرة
وبالعافية😋👌🏼
جربوها مقلوبة لذيذة من قلب❤️❤️
