الجريش بطريقه سهله
بواسطة: جوري
الجريش بطريقه سهله بالصور
الجريش من احلى الاكلات الشعبيه السعوديه مممم
لاتشيلون هم طبخ الجريش
الطريقه سهله ومظبوطه ميه بالميه حتى اللي ماعمرها سوت الجريش
بتضبطه ان شاء الله لان مقاديري بالجريش حتى بالمويه
وغير كذا مايبي طبخ الجريش منك اكثر من ساعتين ويطلع ولا احلى
مقادير وطريقة عمل الجريش :
المهم نبدا الشغل
اول شي من الليل اغسلي كاسين جريش
غسله وحده بس عشان مايروح النشا اللي فيه
ونقعيه بكاس مويه حاره وكاسين حليب لوحصل طازج افضل
وملعقتين سمن
المراعي افضل شي نكهته حلوه
وبعد ماتصحين شبي عليه
وحطي له ملعقتين صغارملح
وملعقه ماجي ابيض وملعقه كمون
وبعد الغليان صبي عليه كاسين لبن
وممكن اكثر على راحتك
وحركيه في اتجاه واحد
ترى اذا غيرتي الاتجاه يخرب عليك
مايصير متماسك
وخليه يطبخ شوي وانتبهي له لايحترق
واذا تشرب بسرعه وحسيتي انه يبغى مويه
زيديه شوي مويه او لبن
واذا وصل لهالشكل قصري له مره
وخليه نص ساعه
بعدين ضيفي له دجاج منتف او لحم
وحركيه بنفس الاتجاه
وخليه ساعه بس طلي عليه كل شوي
وبعد ساعه ونص من الطبخ
حطي عليه ربع اصبع زبده ورشة مسمنه
وعلوب حبحر
وخليه نص ساعه اخيره
وبعد النص ساعه طلعي الحبحر
وحركيه بقوه بنفس الاتجاه
وبامكانك تقديم الجريش بهالشكل
وبالهناء والعافيه
