الطريقه المعروفه لكبسة العزائم والمناسبات بالصور .....
بواسطة: أم الذرابة
تاريخ الوصفة: 07/05/2011
How to make rice KaBsEh
صورة الطريقه المعروفه لكبسة العزائم والمناسبات بالصور
الكل يسأل عن طريقة رز العزايم وسر النكهه اللي تميزه في المناسبات
هذي الكبسه شعبيه قديمه ومايسونها الابالبيوت يعني مستحيل أي مطعم يسويها
هذي النوع من الكبسات نسويها بحفلات الزواج وفي مجالس العزاء وفي مناسبات الأعياد وأكيد نسويها بطبخ الذبايح
حبيت أنوركم وأعلمكم هذي الطريقة وياليت تقبلونها هديه مني لكم
ولاتنسوني من صالح دعائكم حبايبي
الشرح مفصل وبالصور للطريقه
نغسل اللحم ونظفه زين ونحطه بقدر ونخليه على النار وكل ماطلعت الرغوه السوده نشيلها
بعدين نضيف عليه ليمون أسود وهيل ودارسين ومسمار ويكون حب ونتركه يطبخ
نقطع بصل واضيف عليه كمون ودارسين وهيل وكركم وكزبره ناشفه وبزار
الطريقة الصحيحه والقديمه الدارجه نفرك البصل والبهارات بيدنا
أنا أستعملت المفرمه
نضيف البصل على اللحم
ونتركه يكمل اللحم نضجه وبعدين نضيف الملح
نشيل اللحم ونحطه بصينيه الفرن
نشيل الليمون الأسود وأعصره واضيف عليه معجون طماطم وقليل من مرقه اللحم وبهارات مشكله
أتبل اللحم بالصلصه
وأدخله الفرن وأشغل الشوايه من فوق عشان يحمر
هذي شكله بعد ماأحمر اللحم
نضيف الرز المغسول والمنقوع بالماي بعد ماصفيه
لازم يكون الماي مناسب للرز
نحضر البهارات كمون وكزبره وليمون أسود وهيل وكركم ودارسين وملح وبزار
نضيفهم على البصل والحمص
نضيف البيض والبطاطس المسلوقين ومقشرين في ناس تحب تقليها
بالزيت بعد مايقشرونهم
أنا ماأفضل القلي يخلي البيض يصير مثل البلاستك
ونخلطهم وتعالي شمي الريحه تدووووووخ
هلحين نغرف الرز ونزينه بالكشنه واللحم المحمر
أيش رايكم ؟؟؟
شكله بصراحه وطعمه ايننننننننن
والريحه على قولتهم تهووووووووووس
وحياكم ترى مافي حيا على الأكل
البيت بيتكم خذوووووووووا راحتكم
وياليت كل يوم تشرفوووووووووونا
ومداخيل الصحه والعافية
وهذي الصحون يوزعوها للي تحبون
وحياكم الله
